2019年10月24日 星期四

歐霸盃:慕尼黑空難後 曼聯再現命運轉捩點 __,曼聯,

(互聯網/GettyImages)曼聯將於周五(25日)凌晨歐霸盃L組,作客塞爾維亞球隊柏迪遜,亦係紅魔鬼自1958年遭遇「慕尼黑空難」後,首次到「傷 ...


(互聯網/Getty Images)


曼聯將於周五(25日)凌晨歐霸盃L組,作客塞爾維亞球隊柏迪遜,亦係紅魔鬼自1958年遭遇「慕尼黑空難」後,首次到「傷心地」貝爾格萊德比賽。


1958年2月6日,曼聯喺歐冠盃(歐聯前身)8強次回合作客淘汰貝爾格萊德紅星後回程,當時曼聯職球員、球迷及隨隊記者乘坐嘅專機,喺德國慕尼黑機場積雪跑道上第3度嘗試起飛時失敗墜毀,機上44名乘客及機組人員當中有23人罹難,罹難者包括8名曼聯球員及3名職員,而紅魔名宿卜比查爾頓則是其中1名生還者。


貝爾格萊德係「慕尼黑空難」發生前,曼聯最後1場比賽地點,球隊相隔61年後再到當地,難免令人勾起傷心回憶。


更不幸係曼聯陷入近30年低潮,今季9場聯賽只有2勝排14位,甚至頻頻出現紅魔鬼會降班嘅「末日輿論」。


事實上,曼聯目前處境甚為不妙,成績差之餘,球隊亦傷兵滿營,兩位球星保羅普巴、迪基亞都因傷,今場冇隨隊,老將艾舒利楊格亦缺陣。


領隊蘇斯克查召入多位小將頂檔,包括門將高華、後衞拉特、中場占士格蘭,要贏呢場榜首之戰,實在唔容易。


不過,諗番曼聯當年遭受空難打擊後,痛失半隊主力,但都只係花7年重建,於1965年就再上高峰,奪得聯賽冠軍,1968年更首奪歐冠盃。


現在嘅曼聯擁有嘅條件遠比當年好,球隊上下應該趁機反思一下,點解當年可以火鳳重生,但費Sir退休6年以來,卻一沉不起。


曼聯適逢再到貝爾格萊德,必須再次化悲憤為力量,踢出不死精神,爭取凱旋回歸,先至對得住球會歷史。


立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!
Related Posts Plugin for WordPress, Blogger...