掃呢頁CODE去手機

2019年10月22日 星期二

【娛樂人物】街頭唱黑警成網絡紅人尖沙嘴肥媽:政治係眾人之事 __,肥媽,

阿肥對於「尖沙嘴肥媽」這個名,表示「幾鍾意呢個朵,幾搞笑。」
阿肥對於「尖沙嘴肥媽」這個名,表示「幾鍾意呢個朵,幾搞笑。」《肥媽有話兒》的「啊……死黑警……」相信不少人會馬上接到識唱,其中一個版本,由有「尖沙嘴肥 ...


《肥媽有話兒》的「啊……死黑警……」相信不少人會馬上接到識唱,其中一個版本,由有「尖沙嘴肥媽」之稱的城大後生仔阿肥演繹,其聲音與肥媽如出一轍,在尖沙嘴busking片段被放上網後成為大紅人。阿肥從小愛唱歌,訪問中便表示做不到歌手就做教師,原因是「教育係會影響一個人」,他更談起只因有人話,這四個月的抗爭運動是因為通識科,荒謬的政府想推倒重來,阿肥不禁話:「政治就係眾人之事,作為老師係更加要話畀學生知,乜嘢係是非黑白。」

採訪︰羅婉玲

攝影︰林賓尼、沈健程

相關新聞:鄭敬基夫婦中催淚彈

尖沙嘴天星碼頭近日有一位聲音似足肥媽的後生仔,唱着二次創作歌曲《肥媽有話兒》,當他唱着︰「好心啦,啲黑警,有乜辛苦,日日打黑色衫,打黑色衫,我哋嘅後生仔。」贏得現場一片歡呼聲。

這個肥仔,被稱為「尖沙嘴肥媽」,他是23歲的城大學生阿肥(李嘉晉)。



阿肥如遇肥媽,想跟她一起唱《肥媽有話兒》。 阿肥如遇肥媽,想跟她一起唱《肥媽有話兒》。
街頭busking阿肥已有四、五年經驗。

街頭busking阿肥已有四、五年經驗。
阿肥在天星碼頭busking,遇到多年沒聯絡的中學同學陳先生。

阿肥在天星碼頭busking,遇到多年沒聯絡的中學同學陳先生。

鍾意黑衫顯瘦

日前阿肥在尖沙嘴接受《蘋果》專訪,對於他因這段街頭busking片,成為網絡紅人,他也意想不到︰「真係有啲驚喜,我記得嗰日係9.28大遊行,我只係客串吓,冇諗到有人拍咗條片擺上網,又咁多人睇過。」對於肥媽瑪利亞(Maria Cordero)的印象,他笑謂︰「對肥媽冇乜印象,不過呢個朵(尖沙嘴肥媽)我幾鍾意個名,幾搞笑。」喜歡唱歌的阿肥,已有四、五年街頭busking經驗,又曾組成組合「五花腩音樂」,沒想到自己模仿肥媽的聲線,才令他廣為人識,「好耐冇見嘅朋友都PM我,但唔係咁開心,畢竟我係個玩音樂嘅人,冇諗過因政治紛爭,先至俾更多人認識,有喜有悲。」

相關新聞:YouTuber PewDiePie講香港抗爭遭中國封殺



這位90後的年輕人,在街頭唱着《肥媽有話兒》,問阿肥有否擔心會被拉?他坦言︰「唔擔心得咁多,𠵱家着黑衫、戴口罩都係理由嚟拉你。就算唔着黑衫都會俾人打,但我鍾意着黑衫,因為顯瘦,所以我唔會因為白色恐怖而唔着黑衫。」阿肥在這場運動中的理念,跟家人相反,「當初一開始同家人係有爭拗,所以我哋約法三章唔談論,我明白大家立場唔同,好難三言兩語改變想法,但我覺得社會現實,比起我哋把口更有說服力。」



阿肥正在城大修讀環球商業系四年級,跟他喜歡音樂截然不同,他說︰「讀大學都係滿足家人,問我點解揀呢科,因為我唔喜歡其他科目。」阿肥笑言由幼稚園開始喜歡唱歌,中學時經常參加校際比賽,到2017年他參加大專聯校歌唱比賽勇奪冠軍,對唱歌越來越有要求的他,近年跟老師學唱歌。談到將來會否想在歌唱方面發展?他說︰「我想㗎,但知道做歌手唔係咁易,除咗唱歌又要睇你package同樣貌,即使靚仔靚女都要睇吓你貼唔貼地,隨緣」



阿肥曾與志同道合的友人,組成「五花腩音樂」。

阿肥曾與志同道合的友人,組成「五花腩音樂」。
阿肥(左)自小已胖胖,非常得意。

阿肥(左)自小已胖胖,非常得意。

自由地做自己

談到現今的歌手,阿肥除了模仿肥媽了得外,他也模仿過郭富城,更曾喜歡過歌手張敬軒,為何說曾經喜歡?阿肥說︰「我喜歡佢之前好敢言,唔怕任何嘢,講自己想講。但近排發生啲嘢,令我對佢改觀,喺呢個運動之後,佢可能唔係真心,但犧牲自己想講嘅嘢,我覺得為世所逼而寬恕你,咁對其他嘅人係好唔公平。」刻下他更欣賞黃耀明,他說︰「明哥係一個敢言嘅人,佢係樂壇前輩,已經係收成期,但佢反而踏入政治氛圍。」



問到阿肥將來有機會當上歌手,會是個怎樣的歌手?他說︰「我唔會做一個……被迫講自己唔想講嘅人,更唔想做一個被人控制嘅扯線公仔,我想做番一個人,一個自由地做自己嘅人。」若果未能入行當歌手,阿肥最想當一位老師,他說︰「教育係會影響一個人成長,成為一個點樣嘅人,取決於細個時得到啲乜。」



2017年阿肥參加大專聯校歌唱比賽勇奪冠軍,在活動上更遇到歌手小肥(右)。

2017年阿肥參加大專聯校歌唱比賽勇奪冠軍,在活動上更遇到歌手小肥(右)。
這場抗爭運動,阿肥跟家人的理念相反,所以大家協議不會談論。

這場抗爭運動,阿肥跟家人的理念相反,所以大家協議不會談論。

推倒通識荒謬

說起教育,連月來的抗爭運動,有人歸咎於通識科,阿肥笑謂︰「好搞笑,一開始好多人鬧,就連老師都反對;到𠵱家老師為咗學教通識科,佢哋付出咗好多,竟然要推倒重來,呢個政府係咪好荒謬呢?」阿肥指自己是修讀通識科的過來人,坦言要掌握這科是困難,但並非一個學科可以影響這次運動,他說︰「網上都可以接收好多資訊,其實政治就係眾人之事,作為老師係唔能夠避談政治,老師更加要話畀學生知,乜嘢係是非黑白。」



最後問阿肥,他日若有機會見到肥媽真人,他這位「偽」肥媽想跟真肥媽說甚麼?他看一看手上肥媽的頭像說︰「你可唔可以同我一齊唱《肥媽有話兒》呀?」




鍾意就快D Share啦!