2019年10月6日 星期日

鄭敬基冇咗無綫包袱精神情緒釋放 __,無綫,鄭敬基,

鄭敬基表示離開無綫並不代表失去所有,反而有些開心不用再為生活想辦法扮中立。
鄭敬基表示離開無綫並不代表失去所有,反而有些開心不用再為生活想辦法扮中立。【娛樂人物】近年一直在無綫默默耕耘的鄭敬基,近日疑因參加遊行及政治表態而不獲 ...


【娛樂人物】近年一直在無綫默默耕耘的鄭敬基,近日疑因參加遊行及政治表態而不獲續約,前途未卜。無約一身輕的鄭敬基反而因最大的白色恐怖消失,沒有了大包袱後可以暢所欲言,精神及情緒獲得全面釋放,更慶幸自己不再怕因壓抑情感而「屈到病」,鄭敬基希望有藝人勇敢地站出來幫助有需要的人。

撰文:余燕儀

攝影:沈健程

場地提供:NEXT DOOR Cafe & Bar

相關新聞:與太太齊齊罷睇TVB

現年56歲的鄭敬基經歷移民再回流香港,效力無綫前後逾20年,但因7月跟太太參加元朗示威,更不時在社交網發聲,結果疑因此不獲無綫續約,明日播出的劇集《牛下女高音》成為他的告別作。日前鄭敬基接受《蘋果》專訪,他面帶陽光笑容地說:「我最大嘅白色恐怖冇咗!」至今仍未收到正式通知不獲續約?他說:「噚日我收到TVB一位PR嘅message,監製話有傳媒想同我做訪問,問我想唔想做?我問會唔會同其他演員一齊做?佢回覆:『因為未續約,應該唔會。』我唔知佢係咪代表公司答咗,呢個係最update版本。」不獲續約疑跟政治取態有關,鄭敬基抵死說:「我堅持寧願相信同政治無關,呢個留番佢哋出嚟答時有冇眨眼啦,你唔想人屈你,你唔好屈人,最好佢哋親自回答。」



昨日凌晨起全港實行《蒙面法》,鄭敬基在fb貼出黑白照表態。互聯網圖片 昨日凌晨起全港實行《蒙面法》,鄭敬基在fb貼出黑白照表態。互聯網圖片
鄭敬基不時在社交網發聲,他曾貼遮眼相聲援Eye4HK抗議警方暴行。互聯網圖片

鄭敬基不時在社交網發聲,他曾貼遮眼相聲援Eye4HK抗議警方暴行。互聯網圖片

唔使扮中立

離開無綫後,鄭敬基反而一身輕:「𠵱家輕鬆好多,好舒服,仲開心啲,好free,好似冇咗大包袱,起碼唔使驚患精神病情緒病,心諗到乜嘢都可以講出嚟,唔使因為生活,諗計仔避開、扮中立,你諗吓情緒係幾咁壓抑,𠵱家我最大嘅白色恐怖冇咗,我仍然有嘅財富係生存緊,有個好愛我,乜都支持我嘅太太,同屋企人同一價值觀呢樣係最難。」沒有合約綑綁的他更直認:「TVB新聞我未續約前已經冇睇,因為網上好多都係直擊直播,我好想知道香港最新嘅情況,喺比較客觀嘅角度去睇,而唔係只係一個。我唔係覺得TVB記者唔努力,但到底編採係咪咁自主呢?So far我見到近至對住學生開槍事件,佢(TVB)好快有定論,但新聞唔應該係定論或結論,信你先開住個台,我覺得責任更加前所未有咁大,將呢個時代嘅事實報道畀大家去睇。」

相關新聞:陳潔玲反惡法:官逼民反



鄭敬基和太太今年7月參加元朗遊行,在現場更接受訪問。資料圖片

鄭敬基和太太今年7月參加元朗遊行,在現場更接受訪問。資料圖片
鄭敬基因不獲續約,《牛下女高音》成為他在無綫的告別作。資料圖片

鄭敬基因不獲續約,《牛下女高音》成為他在無綫的告別作。資料圖片

「我好愛香港」

鄭敬基更呼籲其他藝人盡一分力:「我覺得藝人係好難得嘅身份,香港越嚟越易做藝人,去到𠵱家藝人身份唔係只唱隻歌畀你聽,喺適當時候需要幫有需要嘅人,原來藝人咁有用,唔係花瓶嚟,可以做到好多嘢。每個藝人我都呼籲,每個人識用隱藏方式,如擺花擺蠟燭,唔可以話有人做你就唔做,個個都話人哋做,咁邊個做呢?」

現在不少香港人想到移民問題,擁加拿大護照的鄭敬基表示:「以前冇諗過香港令我個人豐富咁多,公民意識係行到最前最強,呢樣令我好仰慕,我好愛香港,希望香港仍然好似以前咁自由,我未必會移民,但收到好窄嘅話,去每個地方唔係為安全,係有冇機會為其他人發聲,好多人冇得走。2047你揀乜?𠵱家要提前開始諗,你仲會唔會留喺度?我呢啲咁普通嘅人,又唔係好多財富,一個小演員,永遠唔會忘記呢刻!好希望每個香港人能夠有希望同盼望,唔好灰心,有頭髮邊個想做癩痢。」




鍾意就快D Share啦!
Related Posts Plugin for WordPress, Blogger...