掃呢頁CODE去手機

2019年10月21日 星期一

王浩信打爆鼻吐血《決》心搶獎 __,王浩信,

王浩信用心演出《解決師》,希望借台慶劇「戲」勢重奪視帝!
王浩信打爆鼻吐血《決》心搶獎無綫台慶頒獎禮即將殺到,最矚目的視帝、視后之爭雖未公布提名名單,但劇迷早已心有所屬!王浩信去年落敗後捲土重來,激戰三屆視帝 ...


王浩信打爆鼻吐血《決》心搶獎

無綫台慶頒獎禮即將殺到,最矚目的視帝、視后之爭雖未公布提名名單,但劇迷早已心有所屬!王浩信去年落敗後捲土重來,激戰三屆視帝郭晉安與憑《金宵大廈》跑出的陳山聰;視后方面,影后惠英紅「戲」勢強勁如虎入羊群,連視后唐詩詠都未戰先認輸!

經過整年努力,又到派成績表的時候!無綫台慶盛事《萬千星輝頒獎典禮2019》全城熱切期待,「視帝」、「視后」仍未公布入圍名單,但獎項之爭已成為談論話題!綜合劇迷的心水分析,刻下熱播的台慶劇《解決師》,主角王浩信與唐詩詠食正個勢,其中浩信在劇中不斷糟質自己,增肥15磅又打到吐血幾乎破相,隨時再稱帝;《金宵大廈》的陳山聰與李施嬅贏盡口碑,山聰更於下月結婚,有機會雙喜臨門;至於三屆視帝郭晉安與馬國明在《白色強人》表現出色,亦會是一路奇兵!

分飾兩角 極速增肥15磅

王浩信於2017年憑《踩過界》首嘗視帝滋味,今年於台慶劇《解決師》中為角色付出不少血汗,坦言渴望再稱帝:「我渴望有呢方面鼓勵!當然要等觀眾評價、支持,但我都係將獎項放第二位,首要係演好戲。」劇中的角色身手了得,浩信事前花了不少時間學習近身搏擊技術,笑言被用到盡:「呢套係打得最多一套,蒙住面都係我自己打!同武指講要用盡我,結果真係用得好盡,八成半都係親身上陣。」拳腳無眼,他表示有一場戲被打爆鼻,擔心過會破相:「嗰日拍到朝早六點幾,大家集中力都差啲,結果打中咗個鼻,爆得好緊要!又腫又痛!嗰刻都驚個鼻會歪同驚破相,入面不停流血,吐出嚟成地都係,後尾成個禮拜先消腫。」令他明白到動作演員辛苦之處,但仍有興趣向這方面發展。

劇中連場打戲,除了打到尾指骨折外,更打爆鼻險破相!
  • 劇中連場打戲,除了打到尾指骨折外,更打爆鼻險破相!
陳山聰憑《金宵大廈》人氣急升,大有機會威脅王浩信。

  • 陳山聰憑《金宵大廈》人氣急升,大有機會威脅王浩信。
郭晉安(右)對四奪視帝抱平常心,相反想拍檔馬國明「破處」。

  • 郭晉安(右)對四奪視帝抱平常心,相反想拍檔馬國明「破處」。

除了打鑊甘外,王浩信更要不斷糟質自己!他希望令到解決師「K」與體育老師「O sir」有截然不同的分別,故不惜增肥15磅:「同監製講唔好淨轉髮型,殺手應該瘦啲,老師就圓潤啲,前後相差15磅。為咗增磅要一日五餐係咁食嘢,但最難增咗磅要拍番『K』,要用鏡頭去遷就。」

睇好馬國明開齋

另一熱門人選郭晉安先後三度贏得視帝,與羅嘉良及黎耀祥「平起平坐」,今年憑《白色強人》中「楊逸滔」一角再獲肯定,倘若再攞便成為無綫史上第一人四奪視帝!近日與譚俊彥合拍新劇的他,談到被睇好破紀錄,他謙虛說:「頭Round多人入圍,我都有信心,但最緊要觀眾睇得開心!其實每個角色都會有支持者,依家淨係想拍好新劇,唔想畀壓力自己。(你睇好邊個?)馬國明佢喺《白》劇內拿捏得好好,仲有一個好似叫譚俊彥囉!」認真識做!






鍾意就快D Share啦!