掃呢頁CODE去手機

2019年10月8日 星期二

胡定欣:C1:胡定欣停工1年搵筍盤解獨 __,胡定欣,

胡定欣事業成績表攞滿分,但感情生活卻交白卷。兩屆「視后」胡定欣成績有目共睹,但感情依然交白卷,她大呻:「唔知點解咁難搵,可能最好嘅尚未來臨!」今年沒有 ...


胡定欣事業成績表攞滿分,但感情生活卻交白卷。


兩屆「視后」胡定欣成績有目共睹,但感情依然交白卷,她大呻:「唔知點解咁難搵,可能最好嘅尚未來臨!」 今年沒有拍新劇,好好休息重拾生活,最希望找個伴:「希望生活有啲唔同!」


近年劇集產量明顯驟減的胡定欣,由一年一劇到今年竟然沒有開拍新劇,背後其實從沒停過,拍劇之餘又演出電影及舞台劇,但挑戰過後都要停一停,她說:「休息係為咗走得更長遠嘅路,畀自己重拾生活。」事業成績表攞滿分,但感情生活卻交白卷,她直言有認識新朋友,希望 找個伴:「決定休息都係希望有番生活,想生活有啲唔同,但都要睇緣分,唔知點解咁難搵!可能最好嘅尚未來臨,緣分到就會。」對於外間希望她與「前度」馬國明但願不止是朋友,定欣笑說:「前排大家好關心佢,話題嚟啫!我哋係好朋友。」


否認約滿 遊法國零艷遇


最近,定欣約滿離巢的消息甚囂塵上,她透露與無綫的合約還有一段時間,工作如常,亦沒有要求一年拍一劇:「上年拍完《包青天再起風雲》就去咗做舞台劇,之後真係想休息吓,因為前年拍《同盟》同《宮心計2深宮計》體力透支得幾大,都想休息吓做其他嘢,所以大家先會喺電視上少見咗我!本來今年會拍一套劇,但可能想整理得好啲,遲啲先開,所以今年暫時未有劇要拍。依家做住自己嘢先,要學吓有得休息就要 盡量休息,但我隨時Ready再拍劇。」


上周遠赴 法國出席時裝周,她坦言街上很多人打扮獨特出眾,享受視覺之餘,亦從中偷師:「我本身好喜歡法國,所以今次旅程特別開心。(有冇艷遇?)冇喎!感情 事隨緣」


2004年由無綫訓練班初出茅廬,定欣轉眼間拍了15年劇集,期間憑《鬼同你OT》及《城寨英雄》獲封視后,近年亦不斷嘗試新挑戰,如首套電影《逆流大叔》便獲提名「最佳新演員」,由視后變回「新人」的她說:「好好彩遇到咁好嘅機會,好多人以為我拍過戲,但其實係第一部!嗰次係吳鎮宇搵我,佢都冇同我講太多,對我好有信心。始終電影講古仔方式同劇集唔同,有好多問題都未搵到答案,希望再拍多啲、同未合作過嘅演員合作,拍電影我就係新人,好在有呢十幾年嘅訓練。」


踩過舞台劇 出盡真功夫


去年,定欣連舞台劇也踩過界,滿足每個演員心底渴望多元化嘗試的願望,她說:「電影同舞台劇都係第一次嘗試,都係學習階段,拎住十幾年嘅功底去學新嘢,變番一個新人,好耐未試過咁緊張、咁大壓力!近年拍劇集唔會話好緊張,但去到做舞台劇真係成個人瘦晒,係不自覺嘅壓力,畀好多功課自己,第 一次做舞台劇,仲要學昆曲、水袖舞,但係自己揀,想挑戰自己,已經出盡全力。」


未有拍劇的日子,定欣亦沒有停下步伐,除了登 台搵真銀外,還跟老師學唱歌、跳舞,更有時間靜靜 地看書增值自己:「2019雖然未有參演劇集,但可以有時間做自己想做嘅事,自我增值!開 頭有段時間唔慣,覺得抖夠,但係休息係為咗將來嘅生活,好好調節番身體。」


下一站歌后?「希望有自己作品」


演技達「視后」級的胡定欣,其實歌喉亦相當不俗!1999年,她曾參加《全球華人新秀歌唱大賽》並進身四強,雖然近年主力拍劇,但亦唱了不少劇集主題曲及插曲,包括與陳展鵬合唱的《城寨英雄》片尾曲等,年初更為歌手蘇永康的紅館演唱會擔任嘉賓,4月時又到雲頂開了演唱會,歌藝沒有白白浪費。


對於下一個目標,定欣希望有人為她寫歌:「上年係踏出第一步,要一路進步,有機會就要不斷嘗試,唔會框住自己。我唱過好多劇集歌,但係登台都係唱人哋嘅 歌,好希望有一首屬於自己嘅歌!之前去馬來西亞唱咗個騷,十幾首歌,滿足感好大,希望喺香港都可以。」


緣來要放下事業


不少女星在事業如日方中之際突然停工,卻因禍得福遇上真命天子,最後嫁為人妻!2013年受情緒病困擾的苟芸慧,導致甲狀腺 出現問題,自此被迫減產休養,直至2016年與無綫正式約滿後離巢,卻「因禍得福」! 同年,苟芸慧與賽車手陸漢洋撻着,拍拖兩年後於去年10月拉埋天窗,先後於加拿大及香港兩地行婚禮,更揚言希望「生夠四個」。


2014年毅然放下演藝事業的陳法拉,隻身到紐約茱莉亞學院(Juilliard School)修讀為期四年的戲劇碩士課程。2016年在當地讀書期間,與同在紐約工作、曾任外交官的法籍男 Emmanuel Straschnov邂逅,今年5月更低調於巴黎完婚。


服裝:Lane Crawford、The Kooples
場地:富 MadameFu-Grand Cafe Chinois




更多新聞,請瀏覽東方日報網頁:



來源 source: http://hk.on.cc
鍾意就快D Share啦!