因拍旅遊節目《3日2夜》大晒誘人身材爆紅的鄺潔楹，雖然僅得155cm身高，不過高度無阻女神受歡迎，擁有天使面孔以及惹火Body的Judy(鄺潔楹)，令一班宅男神魂顛倒，更獲唔少監製青睞，早前簽約成為無綫親生女即被器重，被安排加入高收視的《愛‧回家之開心速遞》演出，女神空降入師奶處境劇，即時令劇中一班嫩男騷動，為女神瘋狂爭做兵，圍住女神氹氹轉的除有單身的周嘉洛(安仔)、吳偉豪(朱凌凌)及焦浩軒 (阿壯)，就連名草有主，和何傲芝發展姊弟戀的張明偉(佐治)亦爭入兵團，收到風的何傲芝更試過踩場睇實男友，女神魅力果真驚人！
撰文：東方新地｜編輯：異種火星人｜圖片來源：東方新地
鄺潔楹夠博、夠Chur獲監製垂青？！
性格夠chur
現年27歲的鄺潔楹，在美國西雅圖大學畢業後，返港簽約模特兒公司成為Super Girls師妹，不過冇耐已轉去無綫做娛樂新聞主播，因為性格進取又襟撈，火速被監製垂青，由新聞主播轉戰成為節目主持，跳埋入咪神搖籃節目《3日2夜》，雖然只得155cm身高，但憑著甜美標緻面孔與驕人身材，又不吝嗇晒三點式泳衣派福利，成功吸納大班宅男粉絲，被網民封為「哈比女神」，成功上位。
據知情者透露:「Judy係醒目女，好勤力又識得搵話題同人溝通，原本做主播，好快已經被監製睇中搵去拍節目，佢性格夠chur又夠博，就算成日要佢著三點式拍攝，都唔會刁僑扭擰，所以監製好鍾意用佢!」
簽約做親生女 加盟《愛回家》
今年六月鄺潔楹簽約無綫成為親生女，除主持綜藝節目，更被安排加入高收視劇集《愛·回家之開心速遞》，女神入劇組，即時攻陷《愛·回家》嫩男，唔理劇中同女神有冇感情線都好，爭相獻殷勤做女神兵團。
據知情者透露:「《愛·回家》主線都係啲師奶、前輩級演員，而且好多都結咗婚，好似湯盈盈、林淑敏、呂慧儀同姚瑩瑩咁，就算有新女加入，都好少有好似Judy呢啲女神級數，所以佢一入劇組，班仔已經好瘋狂，而且Judy細細粒嬌滴滴咁，得得意意又夠嗲，啲仔見到就好想保護佢，一有佢啲戲，咪成班觀音兵氹氹轉，陪出陪入又買嘢食氹佢，好似明偉咁，因為同Judy有感情線，成日都黐住女神，試過揸車接埋女方收工，雖然Judy對明偉冇feel，但有人肯做兵，佢又唔抗拒，不過，電視城啲風傳得好快，明偉女友何傲芝收到風，都試過踩場接男友收工，借機宣示主權。」女神氣勢難擋，唔係話你想睇得實就得嘅！
來源 source: http://www.nmplus.hk
|
鍾意就快D Share啦！
|
|
|