掃呢頁CODE去手機

2019年10月10日 星期四

英超Fever:達成協議!曼聯冬季簽文迪蘇傑 __,曼聯,

(GettyImages)曼聯鋒線鬧人腳荒,攻力極差,會方終於忍唔住出手,同祖雲達斯達成協議,將於明年1月轉會市場重開之後,簽入祖記前鋒文迪蘇傑。曼聯 ...


(Getty Images)


曼聯鋒線鬧人腳荒,攻力極差,會方終於忍唔住出手,同祖雲達斯達成協議,將於明年1月轉會市場重開之後,簽入祖記前鋒文迪蘇傑。


曼聯今夏已有意簽文迪蘇傑,但最後不了了之,祖雲達斯已經放棄呢位33歲克羅地亞名將,甚至唔將佢納入歐聯大軍名單,早前傳出有卡塔爾球隊想簽佢。


不過,文迪蘇傑仍然想留喺歐洲球壇,同曼聯一拍即合,已經口頭答應成「魔」。文迪蘇傑效力過馬體會、拜仁慕尼黑等豪門,更曾分別為拜仁及祖記喺歐聯決賽入波,而上年亦協助克羅地亞打入世界盃決賽,並射入1球,可惜不敵法國。


身高1米90嘅文迪蘇傑制空力強,正好彌補曼聯鋒線最弱一環。不過遠水救唔到近火,曼聯喺冬季轉會市場重開之前,仲要繼續捱。


立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!