掃呢頁CODE去手機

2019年10月28日 星期一

陳偉琪:避過雪藏!涉醉駕陳偉琪素服Look飲泣認錯 __,陳偉琪,

希望今次真係知錯能改!「細龍太」陳偉琪上周五涉嫌酒後駕駛罪名被拘捕,今日首現身見人,復工拍攝《愛.回家之開心速遞》,她一身白衫、白褲疑似太極戲服的陳偉 ...


希望今次真係知錯能改!


「細龍太」陳偉琪上周五涉嫌酒後駕駛罪名被拘捕,今日首現身見人,復工拍攝《愛.回家之開心速遞》,她一身白衫、白褲疑似太極戲服的陳偉琪接受東網訪問她,一開始說話時有點嗚咽,對於涉酒駕被捕,陳偉琪聲震震並飲泣致歉:「呢兩日喺屋企反省,做咗個好蠢嘅決擇,影響公司,同令支持我嘅人失望,但我要特多謝珍姐(高層曾勵珍)同監製,佢哋畀好多鼓勵我,我都知影響咗「細龍生」﹑「大小姐」佢哋收好多電話,亦好多謝傳媒報道正面!


喊到眼腫


問到點解酒後揸車?她說:「做咗個好蠢嘅決定,以後唔會再犯,因為進入咗司法程序,唔方便透露,但我要再一次同大家講對唔住!」問到擔心被雪藏?她說:「好幸運,頭先同珍姐解釋,佢都原諒咗我,我會努力做嘢。(照舊開工?)冇影響,我會繼續拍《愛.回家》!(喊咗好多次?)係,喊到眼腫,但作為演員要投入角色,因為「細龍太」個角色比較霸道!」


「飲酒後一定唔會揸車」


再問到醉駕影響角色形象時,她即不停喊兼狂標眼淚說:「呢個錯,影響好多人,我會深切反省!其實揸車原意係想車屋企人,依家要屋企人車番我。(戒酒?)會!(唔揸車?)又唔會,但以後飲酒後一定唔會揸車!(賠償問題?)呢啲唔方不便透露。」




---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你



來源 source: http://hk.on.cc
鍾意就快D Share啦!