2019年10月10日 星期四

【李八方online】7.21無差別襲擊被割席?何君堯緣盡足總 __,何君堯,

元朗7.21無差別恐襲,建制派立法會議員何君堯「聲名大噪」,唔少組織/機構想同佢割席,八方近日翻查議員利益申報,發現佢已經唔係香港足球總會嘅非受薪董事 ...


元朗7.21無差別恐襲,建制派立法會議員何君堯「聲名大噪」,唔少組織/機構想同佢割席,八方近日翻查議員利益申報,發現佢已經唔係香港足球總會嘅非受薪董事。

相關新聞:【抗暴之戰】睹警濫暴後棄非暴力 中年「和理武」:冇法再用和平手段爭取



何君堯做足總董事已有一段時間,早喺2015年,即係佢成為立法會議員前一年嘅足總董事會選舉中,何君堯成功連任,任期做到今年。



前排八方睇何君堯嘅利益申報,赫然發現佢喺8月嘅申報表明,已經無做足總董事。再睇埋足總網頁,原來早喺今年6月底嘅足總董事會選舉中,何君堯已經無再參選,所以任期滿咗就自然退位。

相關新聞:【涉藐視法庭】強國網紅「舉槍光頭警長」嘲港裁判官「鼓勵暴徒犯法」



睇返足總5月發出嘅候選人名單,已經見唔到何君堯個名。而7.21事件後,連傑志球隊喺多年前幫過何君堯助選都被人拎番出嚟講,搞到傑志會長伍健要出嚟話同何君堯無私交,有球迷仲話足總唔應該畀何君堯做足總嘅法律事務委員主席。



八方亦都再睇過足總網頁,何君堯原來亦已經冇做法律事務委員會主席,甚至所有委員會都冇何君堯份,唔知係咪7.21事件令佢緣盡足總?



-----------------------------



-----------------------------

百日特刊記載香港人逆權之路

《逆權百日》

《自由之夏》

《Freedom Summer》(自由之夏 英文版)

-----------------------------




鍾意就快D Share啦!
Related Posts Plugin for WordPress, Blogger...