網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年11月16日 星期六

《龍咁威》10大經典場口回顧 鄭中基率原班人馬拍《龍咁威3》!|頭號粉絲| __,鄭中基,

《龍咁威》10大經典場口回顧 鄭中基率原班人馬拍《龍咁威3》!|頭號粉絲|
鄭中基自宣布會開拍《龍咁威》第3集後,並指會成為2020年的賀歲片之一,這個集體回憶,令唔少影迷都一致叫好!直至日前,《龍咁威3》正式開拍後,卻有傳因 ...




鄭中基自宣布會開拍《龍咁威》第3集後,並指會成為2020年的賀歲片之一,這個集體回憶,令唔少影迷都一致叫好!直至日前,《龍咁威3》正式開拍後,卻有傳因指是題材問題,不能在中國大陸內播放,以使電影叫停,但愛錫影迷的「龍威」鄭中基則親自留言表示:「龍3由頭到尾都係計劃拍港片」,相當有霸氣!雖然《龍咁威3》未知是否趕得起在2020年賀歲上映,所以現就重溫《龍咁威》10大經典場口,讓大家止止癮吧!



編輯:異種火星人 |圖片:新傳媒圖片、電影截圖、電影劇照、YOUTUBE

鄭中基霸氣表示:「龍3由頭到尾都係計劃拍港片」

有傳鄭中基主演嘅《龍咁威3》,因為題材問題,內地最終上唔到畫,而2020年香港嘅賀歲檔期亦觸礁。對於種種傳聞,「暴龍哥」鄭中基最終更親自留言回覆「龍3由頭到尾都係計劃拍港片」相當霸氣!



龍咁威3

《龍咁威》10大經典場口回顧

1. 真係MEKO水嚟喎!

第一次睇龍咁威經已被第一幕的交易吸引住,眼看龍威在褲浪位取岀手套及飲管,以極專業的態度一試貨品真偽,再同專係砵蘭街呃啊婆啲棺材本嘅玉面人趙應鶉講岀一句:「咦!真係MEKO水嚟喎!」(唔知呢個趙應鶉的人物設定同有線高層趙應春又有冇關呢?)



2. 白飯魚真係有白飯魚

由龍大雙先生創立嘅龍威體育用品公司係2003年度的旗艦級岀品,竟然是一對白!飯!魚!而這對只賣人民幣$19.9的白布鞋竟以在四川吸收天地靈氣的生曬白飯魚作氣墊膠囊,更可作為鞋的避震,抵受重擊!什麼air max,pump fury都要行埋一二邊。



3.皮膚科醫生洗介賴、髮型師狼狗

所謂有錢就做蝙蝠俠,無錢就做好警察。三子最害怕的正正是步入警察學堂。龍威貪靚就係人都知,始終他亦有另一個Model之王的身份(Mandom啊),三子的皮膚科醫生洗介賴亦提醒過他們,只能用Duve或Lux,絕對不能用蝦世界。至於狼狗就叫佢哋一定要用護髮素同要吹頭。



4. 燒槍燒到玩軍火

我諗唔使九叔多講大家都記得呢幕,跟據學警手冊第23項第23章第23條,學警可以依照自己興趣學習,加上那時的恐怖份子全球作案,學定點用軍火都係傍下身。



5. 試試啲腦汁,咦!仲諗緊嘢喎!

玩埋伏就當然係我伏吓你,你又伏下我,至於鄧Sirrrr呢,唔好講咁多,試試佢啲腦汁先。



6. 佢哋叫我做垃圾啊,我是廢紙〜

呢句直頭係人生大道理!



7. 都係嗰句啦,容易襯衫啊嘛!

買車買到買衫咁,應該真係得佢哋三個先做到。



8. 好消息,唔洗割包皮!

Whats up Man ! Whats up Man ! Whats up Man ! Boom ! 唔洗割包皮! 好消息!唔洗割包皮!



9. 警訊

鄭中基喺《龍咁威》系列中,由佢主持嘅《警訊》就同張達明、李璨琛演嘅「瑞士山區肺騙案」,鄭中基扮騙徒嘅同黨,以一身空姐look現身非常突出,真係非常戲劇化又有喜劇感。



第二集鄭中基再扮Roller girl!

10. 喂!手足!幫手逗一逗!



《龍咁威3》今年開拍 原班人馬回歸

鄭中基喺去年公布未來電影計劃,除操肌拍攝新片《阿龍》,亦正籌備開拍佢嘅喜劇代表作《龍咁威3》。鄭中基透過助手回應表示的確會開拍《龍咁威3》,佢話原本想在2018年中開拍,19年賀歲檔上演,但不過依家可能要改到19年中開拍,目標係後年2020年嘅賀歲檔上映!佢仲話打算請2003年第一集原班人馬拍攝,由佢同谷德昭執導,演員就會有李璨琛、張達明同埋鄧麗欣(Stephy),鄭中基補充話知道觀眾想Stephy可以接拍,故此希望就到檔期,能夠齊人演出。



鄭中基在《龍咁威》中,演不學無術富二代,最後在警隊中重拾勇氣。

電影中鄧麗欣是鄭中基想追的女神。



鄭中基、李燦森和張達明在《龍咁威》中分別扮演的龍威、吳樹喜和黃金舟!

當年千嬅更在《龍咁威》客串一角!



05年《龍咁威2》口碑麻麻

《龍咁威》叫好叫座,但第二集《龍咁威之皇母娘娘呢?》搵嚟同樣係Mini Cookies成員嘅Miki做女主角,可惜口碑好差,悶戲連場一啲都唔好笑,所以大家點估到十多年後會開拍《龍咁威3》,仲由鄭中基執導,希望真係成事又係原班人馬演出,更加希望好過第二集

當年嘅Miki眼大大走可愛路線,深得少男歡心,如今佢都已經做咗人妻同媽咪喇!



除咗Miki,第二輯仲加入同為Mini Cookies成員嘅傅穎同吳雨霏!



仲有已經離開咗我哋嘅魯芬BB,有佢搶鏡嘅演出,真係令套劇生色不少,可惜我哋只能憑住電影懷念佢!



《行運超人》

睇番鄭中基近年都好少拍電影,連新歌都冇乜!佢喺90年代以歌手身份出道,一頭長髮令人留下形象,而他都有好多經典情歌,好似如《晴天陰天雨天》、《我代你哭》等,之後佢都有參與電影演出,在2003情佢喺《行運超人》中扮演反派斷蟹一角,跟梁朝偉楊千嬅大鬥法,其中鄭中基扮女人一幕,真係喜劇才華大爆發!



《低俗喜劇》

之後在2012年他在《低俗喜劇》中演廣西暴發戶「暴龍哥」,一口鄉音兼熱愛食野味,極為搶鏡,鄭中基更憑此片奪台灣金馬獎及香港電影金像獎最佳男配角,成為電影事業一大突破,在影壇站穩陣腳!

《大樂師‧為愛配樂》

鄭中基在今年初《大樂師‧為愛配樂》中演有音樂天份的古惑仔,演技被指有大躍進,並提名今年4月香港電影金像獎最佳男主角,最後敗給《殺破狼‧貪狼》的古天樂。


來源 source: http://www.nmplus.hk
鍾意就快D Share啦!