2019年11月7日 星期四

梁靖琪:老公唔畀!梁靖琪為4吋高踭鞋鬱到喊 __,梁靖琪,

傻女,襯套衫啫…藝人梁靖琪(Toby)宣布佗仔後首次出席公開活動,身穿露肩貼身裙的她肚大如籮,上圍big爆,但仍穿4吋高踭鞋。問到是否佗得吃力?她笑言 ...




傻女,襯套衫啫…


藝人梁靖琪(Toby)宣布佗仔後首次出席公開活動,身穿露肩貼身裙的她肚大如籮,上圍big爆,但仍穿4吋高踭鞋。問到是否佗得吃力?她笑言:「唔吃力,我仲着緊高踭鞋,其實老公唔畀我着,但因為我尋晚試咗好多裙都唔啱,所以Depress(抑鬱)到喊,佢氹我着乜鞋都靚,我話佢唔明,都拗咗廿分鐘,我話着一陣就會除。(有咗BB情緒化?)又唔係,算好好,佗咗咁耐先喊咗兩次,第一次喊係因為執BB嘢執咗好耐都未執完,但喊完又笑,我話要食雪糕,其實都keep住開心狀態,不過記性真係差咗好多。」她坦言預產期是明年年頭:「醫生話可以生豬仔,但我冇所謂,因為我屬豬,爸爸屬鼠,希望可以順產生。(就嚟生心情緊唔緊張?)都緊張,依家都成日發夢生仔。」


她謂老公很照顧她,又幫手砌BB床及執嘢,她又謂11月尾會出多個活動,之後就會專心養胎,現時都盡量少出街,問到老公可是陪伴在側?她笑言:「都係,如果佢唔陪我就會一日打十幾個電話嚟,連我阿媽都話『又係佢呀』。」她續謂生完之後可能明年6、7月會拍劇,都擔心拍唔到,因佗B肥了好多:「我本身預重20磅左右,但依家已經重咗20磅,遲啲仲會泵大,都唔知肥晒喺邊,我已經有做運動。個個都話我佗仔好樣過唔佗,隻腳又唔算好腫,皮膚都算好好。(會唔會影寫真留念?)冇影呀,之前去馬爾代夫老公影咗啲相,我話其實寫真影完又唔會擺出嚟,仲有時間再諗吓先。」


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。

來源 source: http://hk.on.cc
鍾意就快D Share啦!
Related Posts Plugin for WordPress, Blogger...