掃呢頁CODE去手機

2019年11月27日 星期三

【光復區會】敗選何君堯賴傳媒7.21抹黑 死撐與白衣人合照:人哋叫冇理由唔影 __,何君堯,白衣人,

他又形容7.21事件「入巿民個腦好容易」,「你渲染得咁犀利嘅時候,啲人唔會有時間做分析,仲要個個標題都咁樣,唔係一間,係兩間、三間(傳媒)都咁講,呢個 ...






他又形容7.21事件「入巿民個腦好容易」,「你渲染得咁犀利嘅時候,啲人唔會有時間做分析,仲要個個標題都咁樣,唔係一間,係兩間、三間(傳媒)都咁講,呢個等於係曾參殺人,但根本無殺人,個謠傳話畀佢阿媽聽曾參殺咗人,佢第一次唔信,第二次開始動搖,第三次自己都走咗佬,所以呢個好正常。」



何祝願新當選的盧俊宇工作順利之時,又多番強調希望新當選的年輕人不要「自暴自棄」,要踏實做好區會工作:「你喺屎渠擒咗出嚟,都有4,800票嘅,咁你洗乾淨個身,做好自己本份,咁人就進步啦嘛」,又稱期望在野的建制派和執政的民主派在區會合作,「我何君堯肯定唔會蹺你(當選人)腳,我亦唔會阻你,如果有啲咩你要幫,我幫得到,我會幫埋添。」何稱自己有「改好」的空間,但相信自己落選與年輕人「求變」的客觀社會環境有關,強調其得票較上屆多600票,增幅達30%,只是增幅不及對手。



對於年輕人如此討厭他,何反指:「係因為年輕人未有機會同我傾偈,同我傾偈,我又好率直嘅,我又唔會帶人遊花園嘅……年輕人如果通過你哋《蘋果》,你哋唔使寫到我咁戇居、咁笨星或者咁形象唔健康等等,都會有一個正面嘅影響」,強調敗選對明年立法會選舉有一定影響,但不會因選情不理想就不參選,「除非有更好理由」。而他受訪後臨走前又着記者:「叫你啲編輯寫好啲」



至於早前「遇襲」事件,他稱或令他賺到「同情票」,但肯定非選舉工程一部份:「邊個會願意用自己嘅生命,去換呢啲同情票?」,「啲人話我自編自導自演,畀你自己演吖,好唔好?嗰把刀成8吋,隊埋你嘅心臟,邊個會搵自己嘅生命嚟較飛?生命無take two。」他強調續在樂翠進行地區服務,「我唔會咁現實,無咗個位就即刻走,咁我(立法會選區)始終都係新界西吖嘛!」



談到胸口傷勢,他先指:「我個心好傷啊,哈哈哈,個心好傷」,續指傷口已埋口,讚屯門醫院的醫療服務很好,「雖然曾經(有人)驚嗰啲會唔會係黃護啊,黃乜啊咁,我話唔好驚啦,入得嚟,佢唔會攞你命嘅。」他稱至今不知行兇者動機,因為他無用Telegram、亦無上連登,警方亦無向他透露調查進展,只相信遇襲與7.21有關,並透露選舉當日戴「黑超」保護他的人是私人聘請的保鑣及警員,屬警方的要員保護組,稱早前遇襲後有感生命受到威脅,故要求警方提供人身保護。








鍾意就快D Share啦!