網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年11月7日 星期四

葉德嫻:同蘇玉華多衝突 葉德嫻嘲「自己」應該死 __,葉德嫻,蘇玉華,

做咩咁講呀?影后葉德嫻(Deanie)聯同蘇玉華、潘燦良和凌文龍今日為12月主演的舞台劇上電台宣傳,席間宣布喜訊加開3場並同日發售門票,合演出30場。 ...




做咩咁講呀?


影后葉德嫻(Deanie)聯同蘇玉華、潘燦良和凌文龍今日為12月主演的舞台劇上電台宣傳,席間宣布喜訊加開3場並同日發售門票,合演出30場。眾人笑言是終極加場,又打趣話再加場就要搬到街上公演。講到近期有好多個唱、活動,就社會氣氛及交通安全問題而改期,甚至取消,問到能於逆市中加場是否覺得好難得?潘燦良坦言都覺:「其實我哋都係12月先見觀眾,唔知到時會點,可能會遇上困難。(有諗定Plan B?)冇,唔知點Plan定,唔會走去街做,要睇情況隨機應變,要處理時先面對,但我哋又唔可能換場地、改期。(會擔心?)有諗過會遇到阻礙,但就唔擔心。」


講到二人於劇中飾演兩母女,會有多場激烈嘈交場面,蘇玉華反指有情況比起鬧更加慘:「有好多發展,呢兩母女有好多衝突,會好唔舒服,譬如媽媽有好多嘢禁制、唔理解我,嗰種痛苦比起鬧更轟烈,每日綵排就好似對對方更認識,發掘到唔同嘅人性,當中有啲性格我並唔會有。」而Deanie就形容自身角色做「衰人」,又斥指角色應該死:「呢個媽媽好自私,淨係顧自己,冇為個女着想,現實中真係有啲咁嘅人,知道又唔會講、唔會討論,但如果唔討論,繼續落去個女都會變成阿媽咁樣,不斷輪迴將壞嘅事重覆,咁會好可惜,我唔怕做呢啲醜人將呢啲事演出嚟,我覺得呢個人應該死。」演繹「衰人」會好痛苦?她表示只是演戲,並慶幸自己不是這種人:「不時都提醒自己唔好跟咗佢。」


此舞台劇經過一年時間翻譯及修定劇本,以及眾演員兩星期的圍讀,近日終於正式綵排,Deanie表示好好玩,跟其他演員擦出不同火花,笑謂:「15分鐘就有一個火花,但每日睇新聞都會影響到心情,日日新鮮、日日都有事,梗係冇人睇到會舒服,我諗除咗佢哋。會聽歌放鬆心情,都會同身邊嘅人討論,不過一排戲就會投入落去。」蘇玉華接說:「有趣嘅係不斷都有好多發掘,搵最好嘅方法呈現,每個人都有獨立思考能力,每個人都有不同意見。」同劇的凌文龍則表示,於Casting成功擊敗其他對手成功得到角色,既緊張又期待。


---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你

來源 source: http://hk.on.cc
鍾意就快D Share啦!