周秀娜髮型師舊愛、38歲的陳偉成（Avis）今年6月底成功向曾做模特兒女友、24歲的黃樂樂(真名黃藹樂)求婚成功，兩人拍拖一年便有計劃組織小家庭，他們原訂明年才搞婚禮招呼雙方親友，但Avis卻心急娶妻，今晚先在律師和親友見證下先簽字結婚，給樂樂名份，升呢成為幸福陳太，準新娘早前入紙申請註冊，職業報稱做牙醫護士。
穿上禮服的Avis和低胸裝的樂樂，今晚在酒店房中舉行簽字，他們破格選了黑色禮服晚裝，為了令儀式順利，他們臨時背了誓辭，Avis今晚接受《蘋果》訪問時說：「我哋想順啲就唔拎張卡讀，我哋事前背，讀嗰好似要臨時拍一場戲咁嘅感覺。」Avis坦言求婚時已喊了，今晚簽字反而好冷靜，不過當交換戒指時仍出「蝦碌」，Avis續說：「我以為老婆袋咗，佢又以為我袋住，結果要律師幫我哋去拎出嚟。」Avis痛錫老婆，花了6位字給樂樂買閃爆婚戒，兩人會明年農曆新年後才補擺婚宴，Avis預告今年會以已婚人夫身份豪派利是給親友，他說：「結咗婚感受到自己責任大咗，我會叫老婆唔好做嘢唞下先，唔想佢做嘢咁辛苦。」Avis否認奉子成婚，他表示婚後會跟老婆不設防造人，他們好想生一子一女湊成一個「好」字。問到今晚是否帶「陳太」回家？Avis說：「我哋之前都一齊住，但佢今晚返去身份變咗係『陳太』。」
來源 source: http://hk.entertainment.appledaily.com
|
鍾意就快D Share啦！
|
|
|