掃呢頁CODE去手機

2019年11月11日 星期一

黃嘉雯:出爐港姐冠軍冇嘢撈 黃嘉雯搵老外男友慰藉 __,港姐,黃嘉雯,

冇嘢做,但有男朋友!現年25歲的應屆港姐雙料冠軍黃嘉雯,樣靚身材好兼高學歷,理應大受商戶歡迎,偏偏她在社會經濟大受影響下當選,自今年9月起完全零活動, ...




冇嘢做,但有男朋友!


現年25歲的應屆港姐雙料冠軍黃嘉雯,樣靚身材好兼高學歷,理應大受商戶歡迎,偏偏她在社會經濟大受影響下當選,自今年9月起完全零活動,連領獎活動都要「私了」,認真生不逢時。搵銀活動冇行,難怪她之前放聲氣表示可以提早拍劇,正所謂「冇利都賺番名」,雖然她家底不錯,住在紅磡半億豪宅,外籍男友又是數碼公司高層,但她不愛靠人,一直使自己錢,估不到日常生活非常貼地,出街短褲踢拖,親自去超市入貨買生果,完全放下港姐身段,盡露真性情。


晒長腿冇人認得出


日前下午1時許,慣常冇工開的她,獨自到寓所附近一間食店醫肚,她已刻意戴上Cap帽、身穿白色熱褲露出一雙美腿,極為吸睛,惟期間沒有被人認出,她亦落得自在排隊落柯打,然後捧住碗麵搵位坐低大啖食,更不介意與陌生男搭枱!可能黃嘉雯自覺輕鬆不受束縛,連腳上的涼鞋「吊吊揈」甩了一半都懶理,露出一大截腳板抖涼,不足半小時她已KO大碗麵,再施施然行去港鐵站過海往銅鑼灣,並到髮型屋整頭扮靚。


電暈男友


在髮型屋逗留至晚上七時多黃嘉雯才離開,急急腳步往商場搭𨋢到樓上餐廳,原來佳人有約,其瑞士籍、任職數碼市場策劃專家的男友Matej早已在餐廳攞定位等候,只見整日孤伶伶的她突然生猛起來,甫見男友即展示甜美笑容,二人橕枱腳食足一小時,並由男友負責埋單。之後二人離去,等𨋢時她已忍不住向男友撒嬌,主動出擊輕撫男友隻手,由於人多眼望望,最後她就扮睇時間。原來他倆轉場坐港鐵去旺角睇戲,入到車廂內她又拿出手機與男友頭貼頭一齊睇,Matej被電到暈晒浪,入到戲院自動自覺去買飛,黃嘉雯則在一旁等候,有男友全程呵護,難怪她要Mark到實,一於疊埋心水等嫁人!


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。

來源 source: http://hk.on.cc
鍾意就快D Share啦!