掃呢頁CODE去手機

2019年11月28日 星期四

歐霸盃:連歐霸都冇得踢!曼聯廢柴勢被革扯 __,曼聯,

(互聯網)曼聯今晚深夜征戰歐霸盃分組賽,作客哈薩克球隊艾斯坦拿,因為紅魔已經出線,所以領隊蘇斯克查幾乎畀晒主力休息,連飛機都唔使上,只帶4名平時聯賽上 ...




(互聯網)


曼聯今晚深夜征戰歐霸盃分組賽,作客哈薩克球隊艾斯坦拿,因為紅魔已經出線,所以領隊蘇斯克查幾乎畀晒主力休息,連飛機都唔使上,只帶4名平時聯賽上陣不多嘅連格、杜安薛比、勞基梳爾同門將李爾格蘭上機。英媒表示,31歲中場尼曼查馬迪於周三早上本身返到卡靈頓訓練場,但只係留咗24分鐘就走人,據知係被蘇帥告之冇得去哈薩克,認真陰公,睇嚟1月都會被革扯。


蘇斯克查話,暫時曼聯已經於歐霸盃完成任務,所以有空間畀年輕小將上陣吸收經驗。曼聯本季於英超,要爭前4困難重重,所以本土2個盃賽都係紅魔鬼嘅必爭之地,故此連今仗都唔畀小將出場,睇怕今季都冇乜其他機會。今仗紅魔陣容肯定以年輕小將為主,蘇帥已經公布邊個係隊長,於19年仲未有任何助攻同入球嘅連格,將會戴上臂章落場。


自代替摩連奴成曼聯主帥後,蘇帥擺明希望重用年輕球員,而馬迪經過一輪傷患後,落到場好多時都顯得有心無力,跟唔上比賽節奏,正選防中位已經畀麥湯米尼搶走。本季馬迪只係出過5次場,照計點都係計落上述連格、梳爾等人嘅「種類」,但依家連機都冇得上,睇怕都時日無多。


今仗曼聯將用上3號門將李爾格蘭,梳爾同英格蘭小將萊爾特分列左、右二閘,杜安薛比則會帶住新仔班納特握守中路。利維治、占士根拿打防中,連格則帶住鍾達希同安祖高美斯打攻擊中場。剛於英超攻入首個入波嘅格連活特就會打單箭頭攻堅。呢個陣容堅係有新鮮感,就算你係曼聯忠實球迷,都未必認得出晒佢哋。


立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。

來源 source: http://hk.on.cc
鍾意就快D Share啦!