2019年11月7日 星期四

羅仲謙:楊怡線人喺身邊 羅仲謙派定心丸:冇身痕 __,楊怡,羅仲謙,

向「身痕」說不!藝人羅仲謙出席珠寶店活動,一直期待做老竇的他,見到岑麗香笑言要請教她生B方法。接受傳媒訪問時,講到10月2日與太太楊怡結婚3周年如何慶 ...




向「身痕」說不!


藝人羅仲謙出席珠寶店活動,一直期待做老竇的他,見到岑麗香笑言要請教她生B方法。接受傳媒訪問時,講到10月2日與太太楊怡結婚3周年如何慶祝時,他謂因劇集剛才煞科,未有時間慶祝。有傳楊怡已成功造人,現正養胎中?謙仔大賣關子:「如果成功都唔講住。(即有喜訊?)唔知,要問太太先知,如果係3個月先講,已經成30幾個鐘冇見老婆,好陰功。(你係咪放假休息?)唔係,嚟緊要返廣東省開劇。(咁點『造人』?)都係我返嚟或者佢過去啦,但搭飛機都攰,返到嚟都冇力。」


楊怡「逼」搵錢


謙仔今次要去拍2、3個月,問到為何不停工專心「造人」?謙仔笑言:「要搵食,其實能力係可以,但老婆唔畀,叫我快啲出去搵錢。(奶粉錢?)搵定啦。咁老婆依家係停工嘅,我就負責搵食,佢依家差唔多係我半個經理人,好多係佢幫我決定,因為部劇價錢ok嘅,所以就接。」


助手係太太請


講到有傳之前他被劇集拍檔張秀文姣溝,搞到太太要來監場?他笑言:「我嘅助手係太太請嘅,TVB同事邊一個唔係我太太老友?(咁你身痕點算?)身痕梗係搵太太𢱑啦,冇第三個人嘅!」對於傳言,謙仔稱太太都不在意,他和秀文亦得啖笑,其實太太只來過一次連車都沒下,只打過招呼。講到太太放線眼在身邊可有壓力?他笑言:「冇身痕又點會有壓力,根本自己冇咁嘅心就唔會有壓力。 」


---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你
 

來源 source: http://hk.on.cc
鍾意就快D Share啦!
Related Posts Plugin for WordPress, Blogger...