掃呢頁CODE去手機

2019年11月26日 星期二

【民主派大勝】李力持認為香港加快完蛋 內地網民大罵官媒中聯辦:簡直酒囊飯袋 __,李力持,

應該無咩人唔識李力持,《國產零零漆》、《唐伯虎點秋香》、《食神》、《喜劇之王》、《少林足球》等周星馳電影都係佢做導演,堪稱套套經典,對香港電影圈有一定 ...






應該無咩人唔識李力持,《國產零零漆》、《唐伯虎點秋香》、《食神》、《喜劇之王》、《少林足球》等周星馳電影都係佢做導演,堪稱套套經典,對香港電影圈有一定貢獻。咁唔知呢位大導演對於香港近況,甚至民主派大勝區議會選舉又有咩獨到見解呢?佢Facebook出post話:「邊有暴政?邊有黑警?只有暴徙!一堆曱甴同黨。」「汽油彈勝催淚彈,香港加快完蛋。」

對於建制派大敗,李力持一而再再而三咁出post「為香港默哀」,覺得「香港玩完」,仲話:「破壞不是我專長,創作是精神食糧。今天情況覺心寒,想起未來標冷汗。」好彩佢係話「創作是精神食糧」,唔係話「創作是我專長」,話晒曾有聲音指星爺喺《少林足球》後唔再同佢合作,係因為覺得李力持能力不足所以被棄用。而事實上,佢執導電影嘅質素真係一套差過一套,睇下套《唐伯虎點秋香2》就知,被譏諷為「爛片王」不無道理。

「咪住先,片爛唔緊要,厚住面皮舐共實無輸喎!」世事無絕對㗎,蕭若元咪曾經暗示李力持上大陸拍戲,以為自己係大導演,結果嚴重超支又被人摑咗兩巴收場囉。

何況,大陸人已經唔係一面倒盲目支持得把口「舐共」嘅人㗎喇,事關因建制派區議會大敗,令大陸網民認清「香港愛國的是小眾」,呼籲大家「不要再自欺欺人了」。連官媒環球時報出文指「形勢不利情況下建制派仍有約40%選票」,鼓勵「愛國愛港民眾不要灰心」,但大陸人都不賣帳,直斥:「天天哄騙我們HK有幾百萬愛國愛港同胞,結果投票結果把臉都打爛了」、「香港民意在黨媒眼裡不值一提,大好局面就這樣一點點被你們葬送。往年建制派佔多數,現在偷雞不成蝕把米還在嘴硬。把香港一點點推向對立面,黨媒功不可沒」。

唔只對官媒唔客氣,連政府機關都大鬧特鬧:「中聯辦、港澳辦簡直是酒囊飯袋,香港回歸這麼久了今天居然黃屍大勝!」「尤其是中聯辦的廢物,只口頭打嘴仗,不作為,沒組織能力,導致香港局勢惡化和選舉慘敗。」「中聯辦和港澳辦可以以死謝罪了!」大陸人開始正視官方嘅廢,睇嚟離「向內地輸出革命」不遠矣。

-----------------------------

【2019 區議會專題】

最齊全區議會入閘名單 互動民調

11.24 用選票重奪區議會

-----------------------------

【升級壹會員登記站 為你解疑難!】

親臨旺角、銅鑼灣做升級壹會員,即送「香港人:抗爭之夏」限量明信片

詳情地址


鍾意就快D Share啦!