掃呢頁CODE去手機

2019年11月20日 星期三

【頭條獨家】從影最激 《夕霧花園》首演露背情慾戲 李心潔爆老公彭順唔想䏲 __,彭順,李心潔,

心潔謂該片另一大挑戰,就是全英語對白,「我搵咗個英文老師同馬來西亞老師教我,有馬來西亞口音嘅英文,花好長時間苦練出嚟㗎!」
【頭條獨家】從影最激《夕霧花園》首演露背情慾戲李心潔爆老公彭順唔想䏲心潔謂該片另一大挑戰,就是全英語對白,「我搵咗個英文老師同馬來西亞老師教我,有馬來 ...




從影最激《夕霧花園》首演露背情慾戲李心潔爆老公彭順唔想䏲心潔謂該片另一大挑戰,就是全英語對白,「我搵咗個英文老師同馬來西亞老師教我,有馬來 ...




【頭條獨家】從影最激 《夕霧花園》首演露背情慾戲 李心潔爆老公彭順唔想䏲

心潔謂該片另一大挑戰,就是全英語對白,「我搵咗個英文老師同馬來西亞老師教我,有馬來西亞口音嘅英文,花好長時間苦練出嚟㗎!」

李心潔入行23年,一直守身如玉,最近相隔4年演出馬來西亞電影《夕霧花園》,跟日本型男阿部寛首演大露背情慾戲,絕對是她從影以來最激一次。不過心潔話,其實自己向來冇底線,只要劇情需要絕對可以不顧一切,甚至露點演出都冇問題,她更直言有充滿魅力的型男阿部寛做對手,令她更容易投入演出。不過,她又大爆最初同導演老公彭順講時,老公反應竟然係「我唔睇之嘛!」但她最後成功爭取老公睇馬來西亞版,笑言:「因為剪走咗!」 撰文:杜淑霞 攝影:李維隆 形象:Kary Kwok 髮型:Domanic Tao@Orient4 化妝:Jane Lin 服裝:Chanel、Maison Boinet@Cocktail、 Fion Poon 場地:Soho House Hong Kong

心潔坦言跟阿部寛拍情慾戲較易投入,而她為大露背戲份,更專登搵健身教練訓練,「我生完身形唔係肥,但係要keep番個線條。
心潔坦言跟阿部寛拍情慾戲較易投入,而她為大露背戲份,更專登搵健身教練訓練,「我生完身形唔係肥,但係要keep番個線條。
心潔慶幸老公彭順是導演,會更明白她為演出會不顧一切。

心潔慶幸老公彭順是導演,會更明白她為演出會不顧一切。



心潔自從16年為彭順生完一對孖仔後專心湊仔,但今次電影太吸引令她決心復工,「個角色同故仔非常好,個年代我又未嘗試過,對我嚟講係突破,又係馬來西亞電影,雖然我係馬來西亞人,但係我事業喺台灣同香港,演嘅角色都係外國人多,一直希望多啲返去馬來西亞演出,今次係第二次做番馬來西亞人,所以睇完劇本好開心同激動,加上導演係林書宇,仲有對手係阿部寛。」

露點都接受到

講到跟阿部寛的情慾戲,心潔坦言第一日做演員已冇考慮這問題,「對我嚟講身體就係表演一部份,只要劇本有咁需要,合情合理同埋對個劇情有幫助推展就冇所謂,我睇到呢個劇本時,由頭到尾都冇畀導演壓力話我只可以露幾多,淨係溝通咩程度嘅裸露最符合呢場戲,話畀我聽就得,我真係可以100%配合。(如果露點呢?)我自己其實接受㗎!(彭生呢?)咁梗係要禮貌上同尊重上,哈哈!我一定會講嘅。最初接到呢個劇本時,係有好多呢啲戲,我有同佢講清楚,佢就好直接話:『唔緊要,我唔睇之嘛!』但係我拍落真係覺得好好,最後𦧲到佢睇馬來西亞版,因為剪走咗!哈哈!好彩佢係同行,係導演一定要明白同接受,我係行呢條路嘅演員,會為咗表演不顧一切!(係咪冇底線?)首先劇本有需要,第二,個導演我好信任,第三,個男主角我值得同佢喺戲裏面咁做。好似今次我同阿部寛場戲係好緊要,唔係單純講做呢件事,係個角色激發咗潛在嘅憤怒,係我演戲以來最難處理嘅一場戲,難在我喺場戲咁短嘅表演裏面,將咁複雜嘅情緒好有層次配合表現出嚟,我拍時都係只做到一Take。」

《夕霧花園》描述一對姊妹受困於二次大戰中的馬來西亞日軍戰俘營,逃出生天的姊姊「張雲林」(心潔飾),始終對殞命的妹妹自責不已,決定向神秘的日本園藝師「中村有朋」(阿部寛飾)學藝,蓋出姊妹夢想的花園,因而發展出一段淒美禁戀。

《夕霧花園》描述一對姊妹受困於二次大戰中的馬來西亞日軍戰俘營,逃出生天的姊姊「張雲林」(心潔飾),始終對殞命的妹妹自責不已,決定向神秘的日本園藝師「中村有朋」(阿部寛飾)學藝,蓋出姊妹夢想的花園,因而發展出一段淒美禁戀。
早前心潔和阿部寛在吉隆坡出席電影發布會。

早前心潔和阿部寛在吉隆坡出席電影發布會。



冇演員嫌獎少

心潔坦言今次對手是阿部寛,對她演出有好大幫助,「第一次同日本演員合作,就係同佢真係好興奮,佢真係好有魅力,同埋佢企喺度氣場好大,揀啱演員好緊要,我慳咗好多力,我唔使費力就可以愛上佢,同埋佢個角色係一個園藝大師,佢有嗰個風範,佢講啲對白都好有智慧,冇一個咁有分量嘅演員講冇嗰份說服力。」本來心潔覺得跟角色「雲林」不太相似,但愈拍愈發覺對方對愛的執着有着自己的影子,「後尾都覺得有啲似自己經歷挫折嘅時間,同埋深愛一人嗰種痛係好明白。(所以更需要彭生去睇?)哈哈!當然我每一部戲都好想佢去睇,佢嘅肯定都係我好大鼓勵嚟嘅,因為佢係我真親密嘅人,佢又係做呢行,係一個導演,佢又咁熟識我,睇我睇咗咁多年,睇我嘅電影仲覺得有新嘢同突破係好緊要。」

講到再憑電影入圍金馬獎最佳女主角,心潔認為是好大肯定,但認為攞獎始終要靠運氣,而她雖然提名及獲獎經驗豐富,仍會覺得激動和緊張,「無論咩年紀都好,冇一個演員嫌獎少,哈哈!只不過今次提名同以前有唔同意義,第一次提名時我仲係新演員,就咁攞咗,當然呢個肯定幫到繼續行演員嘅路,但同時畀人定型,於是我就拒絕去演呢類戲,去搵唔同嘅機會,但唔知呢世等唔等到,所以呢次有提名令我好激動。」

近年在馬來西亞定居的心潔,日前專程跟導演林書宇來港出席「香港亞洲電影」。

近年在馬來西亞定居的心潔,日前專程跟導演林書宇來港出席「香港亞洲電影」。
戲中張艾嘉飾演後期的「雲林」,心潔大讚因她才答應演出的師傅跟她同演一個角色,雖然戲份不多,但令角色更圓滿。

戲中張艾嘉飾演後期的「雲林」,心潔大讚因她才答應演出的師傅跟她同演一個角色,雖然戲份不多,但令角色更圓滿。
心潔為一對孖仔停拍4年,現在宣布全面復出,更講明好恨用廣東話演戲。

心潔為一對孖仔停拍4年,現在宣布全面復出,更講明好恨用廣東話演戲。
由於電影以二次大戰後期為背景,心潔已準備明年在馬來西亞上映時包場請父母睇,「好多長輩應該感受特別深。」

由於電影以二次大戰後期為背景,心潔已準備明年在馬來西亞上映時包場請父母睇,「好多長輩應該感受特別深。」

鍾意就快D Share啦!