掃呢頁CODE去手機

2019年11月1日 星期五

【錫足一分鐘】陳山聰三喜臨門未叫糊 兩卡婚戒冧太太 __,陳山聰,

攝影:沈健程
陳山聰與圈外女友Apple結婚,大日子行程密麻麻,朝早已做了不少傳統儀式,陳山聰更換上了一件白色小背心斟茶給長輩,晒肌肉兼露毛。相關新聞:【新娘晒巨鑽 ...


陳山聰與圈外女友Apple結婚,大日子行程密麻麻,朝早已做了不少傳統儀式,陳山聰更換上了一件白色小背心斟茶給長輩,晒肌肉兼露毛。

相關新聞:【新娘晒巨鑽】陳山聰白色背心look娶老婆 腋下毛飛出斟茶



一對新人在九龍一間酒店筵開17圍,約5時見傳媒,新娘子Apple穿上拖尾婚紗兼少低胸,陳山聰就換上了一件繡花西裝褸沒再晒麒麟臂。陳山聰拖太太出場,又為太太整理裙尾。兩人應傳媒要求錫錫一分鐘,Apple初時以花球遮掩腹部,之後亦有應傳媒要求拿起影相。



其後陳山聰獨自受訪,他為太太解釋:「太太比較緊張,唔習慣見傳媒,今朝又多嘢搞,佢都有啲攰,想佢多啲休息保持狀態。」陳山聰講起朝早讀誓詞時非常感人:「自己拍劇講過好多感人對白,一到自己讀,講到自己名就飲泣,都要收番少少。反而太太就比較冷靜,冇特別起落,比我更犀利。」他又表示太太的婚戒重兩卡:「太太一直都冇要求呢啲物質,但佢喺背後支持咗我好耐,想同佢一齊分享呢份喜悅。」

相關新聞:【曾斷交6年】伍詠薇怕出席山聰婚宴忍唔住喊:姊弟感情經歷過山車般不容易



陳山聰謂拍拖6年進入一個新階段,問到會否期待結婚、抱B、視帝三喜臨門?他說:「平常心啦,《金宵》反應係幾好,希望係最佳劇集。」他否認太太有喜,又指沒時間造人:「前日黃昏仲喺東壩跑步,係噚日先放假,邊有時間造人,成日問我瞓得好唔好,我不知幾好瞓!」



至於今朝白色小背心騷肌露毛,陳山聰就解釋:「其實係今朝好多嘢整太熱喇,要換衫。如果唔係啲白恤衫會濕晒,所以換咗件白色背心。」他又指安排明年初度蜜月,不過太太怕冷要再揀地方。



-----------------------------



-----------------------------



 一對新人5時見傳媒,陳山聰幫太太整理裙尾。 一對新人5時見傳媒,陳山聰幫太太整理裙尾。
好襯呀!

好襯呀!
兩人應傳媒錫足一分鐘。

兩人應傳媒錫足一分鐘。
太太戴上兩卡鑽戒,非常搶眼。

太太戴上兩卡鑽戒,非常搶眼。
陳山聰表示三喜臨門未有耐,最近沒時間造人。

陳山聰表示三喜臨門未有耐,最近沒時間造人。

鍾意就快D Share啦!