《口水多過浪花》受交通事故影響停播 鄭裕玲否認響應罷工
有網民發起今日全城「大三罷」，唔少活動及訪問因而取消，由鄭裕玲（Do姐）﹑余迪偉及麻利亞主持的商台節目《口水多過浪花》原定喺下午三時至四時半播出，但今午二時在facebook專頁宣布：「因為今日社會出現連串特別事故及交通混亂，影響節目正常運作，原定下午三時至四時半播出之《口水多過浪花》亦會暫停一次，受影響之聽眾，敬請見諒。」而該時段節目就改播《麻利有隻小綿羊》。至於其他商台節目如常出街，未受交通狀況影響。
不過，唔少fans力撐嘟姐安全為重，亦有網民猜測Do姐係暗地裏支持罷工：「係返唔到？定又參加罷工？」商台發言人則回應，強調Do姐因交通問題取消做直播，並非響應參與罷工！事實上，Do姐午後有去TVB錄影最後兩集的《Do姐有問題》，嘉賓有王梓軒、陳豪、李佳芯、朱晨麗、洪永城等。
來源 source: http://hd.stheadline.com
|
鍾意就快D Share啦！
|
|
|