掃呢頁CODE去手機

2019年11月4日 星期一

前港姐唔買名牌好慳家 唐麗球幫襯商場仔買鞋 __,唐麗球,港姐,

波波着得好平民,唔似其它前港姐行超市都着到好隆重。
前港姐唔買名牌好慳家唐麗球幫襯商場仔買鞋波波着得好平民,唔似其它前港姐行超市都着到好隆重。唐麗球,綽號「波波」,1984年香港小姐季軍,同屆冠軍係洪金 ...


前港姐唔買名牌好慳家 唐麗球幫襯商場仔買鞋

波波着得好平民,唔似其它前港姐行超市都着到好隆重。

唐麗球,綽號「波波」,1984年香港小姐季軍,同屆冠軍係洪金寶老婆高麗虹。參選後翌年同杜德偉拍拖兩年,分手後同吳毅將又拍拖十年,03年結婚,同年誕下女兒梓希(Janelle)後退出娛圈專心做家庭主婦,話咁快今年55歲。呢位前港姐唔似其它嫁入豪門嘅港姐成身名牌,平時打扮撲素專幫襯商場仔買鞋。日前下晝就見到波波同女友人又去銅鑼灣金百利睇平價鞋,睇睇吓見牆上掛住塊鏡仲忍唔住照咗一陣。採訪:梁志明

波波見到有鏡忍唔住照咗一陣。
波波見到有鏡忍唔住照咗一陣。
波波拎住電話睇鞋,睇睇吓鞋又望吓個電話。

波波拎住電話睇鞋,睇睇吓鞋又望吓個電話。

波波係慧妍雅集成員,經常參與慈善活動,有善心之餘仲非常敢言,例子有舊年落選港姐工藤佑采在落選後伴舞時黑面,唐麗球就力撐對方:「畀我都會,人之常情,呢啲係真我個性,好難得。我好欣賞佢,唔覺有問題,人係有情緒。」

波波同朋友等的士,望住佢對厚底涼鞋,睇得出係嚟自商場鞋舖。

波波同朋友等的士,望住佢對厚底涼鞋,睇得出係嚟自商場鞋舖。
話晒55歲,中年發福免不了,所以可見穿濶褲嘅波波都有個小肚腩。

話晒55歲,中年發福免不了,所以可見穿濶褲嘅波波都有個小肚腩。

商場仔熟客

當日,波波同女友人去咗金百利商場睇鞋,其實之前已經影過波波去呢間商場仔行街,亦同樣去咗嗰間鞋舖睇鞋。不過觀乎波波主力畀意見,佢應該係介紹朋友買鞋,見佢乜鞋都睇,對250蚊一對嘅平底鞋好有興趣,最後朋友睇唔啱,喺商場行咗一陣就走人。兩人行去的士站等的士,等等吓見到波波行去幫架的士閂門,原來有老人家上咗的士後無閂門,心地好嘅波波就主動幫忙嘞,心善人自然靚,明白點解5字頭嘅波波Keep得咁靚。

波波同吳毅將由拍拖到結婚至今已經一齊26年。

波波同吳毅將由拍拖到結婚至今已經一齊26年。

鍾意就快D Share啦!