熱爆娛樂: 【爆相爆片】竇驍箍實何超蓮蜜遊長洲攬攬錫錫旁若無人 _

2019年11月20日星期三

【爆相爆片】竇驍箍實何超蓮蜜遊長洲攬攬錫錫旁若無人 __,何超儀,何超蓮,爆相爆片,竇驍,

賭王三房最索千金何超蓮今年4月爆出戀上大陸男星竇驍，兩人正打得火熱，雖然兩人經常相隔異地，不過當夾到時間，他們便爭取時間拍拖。今年9月，他們才拍拖到大溪地度假，超蓮還貼出與男友齊穿情侶裝兼在咀嘴的相片，其後又被爆出蜜遊加拿大，竇驍疑似帶女友見家長。兩人上月又由上海拍拖到香港，竇驍更以「準駙馬」身份入住三房大宅。

竇驍來港，超蓮即盡地主之誼帶男友出遊。讀者盧小姐日前透過《蘋果》的「爆相爆片」，分享了超蓮帶竇驍遊長洲的親暱照片，穿上粉紅衞衣的超蓮心情靚靚郊遊，更帶男友吃平民大牌檔。盧小姐日前接受電話訪問時說：「當日下午兩點左右，我哋都喺長洲大牌檔，初初唔知係超蓮佢哋，不過佢哋講嘢好大聲，又笑得好大聲，攬攬錫錫，我先發現到係佢，佢哋全程旁若無人，即使有人眼望望都冇理。」

盧小姐表示超蓮跟男友用普通話交談，她續說：「佢哋食完粉麵就一齊玩手機，係咁放大縮細睇啲圖，我坐得好遠，睇得唔清楚。」相中看到，竇驍用強大臂彎將超蓮擁入懷中，超蓮冧爆挨近。盧小姐提到其間超蓮忽人有三急，她問了公廁位置，就獨自出發，竇驍並未有到附近等候。從盧小姐提供的短片，看到超蓮去完公廁行回來：「男友話佢件衫濕咗，幫佢整。」超蓮和竇驍食飽便十指緊扣離開，盧小姐說：「埋單時，先至發現有疑似超蓮助手上前同佢畀錢拎袋。睇番啲相，先發現助手一直坐到（同）佢哋好開。」超蓮當日也在IG Story貼出吃湯粉和西多等食物相。

（讀者提供圖片）	超蓮拍拖，竟帶助手做「電燈膽」（左一）。（讀者提供圖片）	 竇驍用強大臂彎箍實超蓮。（讀者提供圖片）
 超蓮冧爆挨近男友身上。（讀者提供圖片）	 超蓮人有三急獨自去公廁。（讀者提供圖片）	 十指緊扣離開。（讀者提供圖片）
 超蓮如廁回來，男友替她整理衣服。（讀者提供圖片）	 超蓮當日在IG Story貼出入長洲大排檔食物相。（IG截圖）	 吃西多。（IG截圖）
 吃湯粉。（IG截圖）	 超蓮和竇驍打得火熱。（IG截圖）