掃呢頁CODE去手機

2019年11月16日 星期六

羅仲謙:緊危救援!羅仲謙載楊怡母女圍城撲糧 __,楊怡,羅仲謙,

謙謙好英勇!近日社會動盪,交通近乎癱瘓,家住大埔的楊怡連日來外出難免受影響,但羅仲謙相當貼心,趁新劇已煞科,前日載老婆及外母掃貨儲糧。阿怡與謙仔結婚兩 ...




謙謙好英勇!


近日社會動盪,交通近乎癱瘓,家住大埔的楊怡連日來外出難免受影響,但羅仲謙相當貼心,趁新劇已煞科,前日載老婆及外母掃貨儲糧。


阿怡與謙仔結婚兩年多一直恩愛,多次開口明言等「有B喜訊」。謙仔原本打算拍畢無綫劇集《木棘証人》後就停工,全力造人,不過煞科後即告病倒發高燒,他在老婆阿怡悉心照顧下接近痊愈,卻慘變「鵝公猴」,認真慘慘豬。


貨架掃清光
連日來因交通關係未有離開大埔的阿怡及謙仔,為儲糧終於出動。前日下午1時許,謙仔病住出車,接載穿粉紅色卡通母女裝的阿怡及外母往屋苑附近的超市掃貨,可惜貨架空空如也。阿怡行到蔬果部打算買水果讓老公吸收維他命戰勝病魔,但揀唔啱心水,無奈折返家中。


飛撲幫外母拎餸


下午4時許,謙仔再次出動,接載外母往大埔墟街市買餸。由於附近較難泊車,抵埗後謙仔負責睇車,外母則做「買手」,四出選購新鮮蔬菜及肉類,未幾已買到大袋小袋,其中包括大袋水果。她掃貨後折返停車處搵女婿,體貼的謙仔見到外母急急落車,幫手接過所有戰利品,安頓好就開車打道回府,同老婆及外母玩煮飯仔。


據悉,謙仔與阿怡婚後一直與外母同住,彼此相處愉快,曾向外大讚猶如多了一個母親,並對其廚藝讚口不絕,自覺相當有口福。而阿怡近月未有接Job,開始跟媽媽學習烹飪,羅家廚房近日認真熱鬧!


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。

來源 source: http://hk.on.cc
鍾意就快D Share啦!