網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年11月9日 星期六

何雁詩:認戀受網絡欺凌!何雁詩自插犯賤唔想做人 __,何雁詩,

何雁詩曾受裝絡欺凌,令佢生不如死。兩年前,何雁詩因戀上鄭俊弘(Fred),被指介入對方與未婚妻之間而背上「小三」之名,飽受網民連環狙擊,言論句句狠辣, ...




何雁詩曾受裝絡欺凌,令佢生不如死。


兩年前,何雁詩因戀上鄭俊弘(Fred),被指介入對方與未婚妻之間而背上「小三」之名,飽受網民連環狙擊,言論句句狠辣,令她情緒崩潰疑抑鬱復發,甚至傳她遭公司「急凍」。走過低谷,兩人感情有增無減,她的歌唱事業亦重返軌道,今年推出兩首新歌,包括有份演出的熱播劇《牛下女高音》片尾曲《我會想念他》。提到在這漫長兩年裏如何過日子,何雁詩接受東網專訪坦言:「都忐忑,以為公司放棄自己,甚至有啲絕望,都唔知有冇得再出歌。」


當年遭網民狂插,除了覺得難受外,她坦言有胡思亂想:「曾經覺得人哋成日鬧自己,令我都覺得真係應該要收山!個人做到咁賤格都唔好再做人喇!」承受着沉重的負面打擊,感到無比大壓力是理所當然,她說:「其實感情方面,可能好多人都經歷過呢啲,但因為咁多人談論,真係好大壓力!所以最近睇到韓國女星Sulli自殺單新聞,好大感觸!我經歷嘅同佢係冇得比,但我覺得大家喺網上談論其他人嘅時候,可以多少少同理心。佢咁紅、咁細個,但咁多人去話你,背後承受咗咁多嘢,我覺得係好傷心!真係好希望網上嘅氣氛可以緩和少少。」


人言可畏,經歷過後的何雁詩沒有去追究誰是誰非,她說:「我淨係知道我經歷咗呢啲嘢,但未死得,我仲喺度!」外表強裝自信,內裏其實很易被擊倒,她坦言自己也要負上一定責任,曾經很任性的她自詡:「我覺得以往嘅我係要畀人打殘吓、要貼地少少!可能以前我鍾意諗咩就講咩,覺得做人坦白係需要嘅,但亦明白到唔好講啲嘢令人哋難過,始終透過媒體係好多人聽。(你成日瀨嘢?)經常,我講自己嘅情緒係好容易衰,阿媽都叫我唔好講晒自己感覺出嚟。」


「雁鄭戀」總算經過時間的考驗,如今漸為眾人接受,何雁詩笑說:「我諗人哋迫住接受,冇得唔接受!時間可以證明一切,我哋依家個關係平淡得嚟好踏實。(視佢為結婚對象?)我諗每個拍得拖嘅關係,都希望向住呢個終極目標進發,我哋喺呢方面都有共識。」問到會否視過去兩年是其人生低谷,她說:「我視佢為一個里程卑,喺人生裏面我會記得我經歷過嘅嘢,我仲學到好多嘢。」還幽默指最近娛樂圈吹淡風,慶幸自己早在兩年前已學識如何去度過時艱:「我真係賺咗!」


最近不時開Live自彈自唱,贏到好多「Like」,但何雁詩尷尬說:「其實我好驚畀人鬧!可能呢幾年喺網上畀人鬧得多,依家再出新歌,我都好驚冇人聽,上電台宣傳都會諗人哋係咪想同我做訪問!一路有好大嘅驚恐喺度,依家無論自己講嘢定喺網Pose嘢,都會謹慎啲。」明白做藝人要食得鹹魚抵得渴:「谷住要抵得渴嘅,我唔想令身邊人擔心,爹哋媽咪最擔心都係我情緒上嘅嘢。(情緒病好番?)嗯……(仲有食藥?)唔講」


--------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。

來源 source: http://hk.on.cc
鍾意就快D Share啦!