掃呢頁CODE去手機

2019年11月7日 星期四

歐聯:C朗罰球遭藍斯截胡 祖記出線笑番 __,C朗,基斯坦奴朗拿度,

(法新社圖片)唔止足球睇波,仲有24小時滾動賠率,即時體驗:https://bit.ly/2UmNL0L 歐聯分組賽D組賽事,祖雲達斯作客憑杜格拉斯哥 ...




(法新社圖片)


唔止足球睇波,仲有24小時滾動賠率,即時體驗:https://bit.ly/2UmNL0L 


歐聯分組賽D組賽事,祖雲達斯作客憑杜格拉斯哥斯達90+3絕殺入球,以2比1險勝莫斯科火車頭,4戰得10分提前兩輪出線16強;球王C朗初段招牌罰球攻門,遭艾朗藍斯白界線前截胡,累佢未能打破宿敵美斯紀錄,加上佢下半場被換出,搞到面燶燶。


祖雲達斯開賽3分鐘就領先,C朗於左路離門廿碼主射罰球,強勁射門令火車頭門將古靴美馬列拿圖「屙蛋」,正當皮球慢慢溜入之際,艾朗藍斯白界線前加一腳截胡,祖記領先1比0。


呢個入球令藍斯成為首位代表祖記在歐聯入波嘅英倫三島球員,亦係祖記繼皇馬、巴塞、拜仁及曼聯後,第5支在歐聯入球達到300球嘅球隊;不過對於C朗嚟講就唔太高興,因為佢現時同美斯及魯爾並列在33隊取得入球嘅歐聯紀錄,只要攻破火車頭大門,佢就可獨佔殊榮,可惜畀藍斯壞咗好事。


火車頭於12分鐘扳平,阿歷斯米蘭卓克頭槌攻門中柱,祖記門將施捷斯尼已失位,阿歷斯米蘭卓克衝前補中追和1比1;其後C朗再有入波機會,但被救出,82分鐘被換出時,C朗更向主帥沙利做手勢,似乎好唔高興。


戰至90+3分鐘,杜格拉斯哥斯達左路引球到禁區頂傳送希古恩,後者後腳撞牆殺入禁區,再射破對方大細龍門,祖記最終以2比1絕殺贏波出線,黑晒面嘅C朗亦重現笑容。


立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。

來源 source: http://hk.on.cc
鍾意就快D Share啦!