掃呢頁CODE去手機

2019年11月26日 星期二

馬國明:C1:馬國明搔七年之癢獅城封視帝 __,馬國明,

馬國明打破七年來的「陪跑」宿命,於獅城封帝。藝人馬國明早前因黃心穎搭上人夫而甩拖,愛情失意,但事業卻更上一層樓。前晚他憑無綫劇《白色強人》首奪新加坡視 ...




馬國明打破七年來的「陪跑」宿命,於獅城封帝。


藝人馬國明早前因黃心穎搭上人夫而甩拖,愛情失意,但事業卻更上一層樓。前晚他憑無綫劇《白色強人》首奪新加坡視帝,打破七年來的「陪跑」宿命,亦為明年初舉行的無綫台慶頒獎禮更添勝算!同樣憑該劇封視后的唐詩詠,更直言最想就是對方奪獎,如今如願以償!


馬國明今年的心情猶如坐過山車一樣,今年4月,黃心穎被爆「偷嗒」歌手許志安,令他經歷了「男人最痛」,戀情亦畫上句號。不過,與黃心穎分手後,不少網友都指馬國明「有運行」!向 來自嘲沒有抽獎命的他,日前於台慶贏得獎金後,前晚於新加坡出席《星和璀璨星光夜2019》,憑劇集《白色強人》勇奪「2019星和最佳TVB男藝人」獎,首次於新加坡捧走視帝獎座!


過往只曾憑《On Call 36小時》於2012年奪 過馬來西亞視帝的馬國明,多年來都是「視帝 陪跑專業戶」,今次事隔七年終於再稱帝,可喜可賀!而明年1月舉行的《萬千星輝頒獎 典禮2019》,視帝之爭相當激烈,除了《白》劇拍檔郭晉安,還有話題劇《金宵大廈》的 陳山聰以及《解決師》的王浩信等,如今馬國明在新加坡先拔頭籌,為爭獎打下強心針!他說:「要多謝《白色強人》監製、編審以及整個團 隊,唔知係咪人大咗,演戲愈耐,愈覺得成個團隊嘅力量比個人力量更重要,仲有一班協助我哋 拍攝嘅醫生、護士,冇佢哋,我哋嘅專業感都冇咁強。總之,團隊威力係我拍呢套劇最深刻嘅感覺。(今次攞獎會否對台慶頒獎禮稱帝更有信心?)分開兩件事嚟睇,每一個頒獎禮嘅評審 標準都唔同,隨遇而安,盡咗力喇!」


講「老婆」唔提舊愛


對於劇中「老婆」唐詩詠封后,馬國明說:「開心!李佳芯都有攞獎,呢個劇攞乜嘢獎 都好,我都非常開心!」又表示最希望《白》 劇能於台慶頒獎禮奪「最佳劇集」獎。至於問到舊愛黃心穎有否送上祝福?他即表示不作回應!


唐詩詠興奮奪視后


出爐星洲視后唐詩詠,對於劇集於《星和》 掃獎甚為高興,尤其馬國明首奪視帝,更令她「開心過自己攞」,她興奮地說:「梗係要馬國明攞 獎!我哋合作嘅時候,冇諗自己有冇(獎),只係 好想佢攞到獎;今次除咗佢,仲有其他人,好似Fred(鄭俊弘)都攞主題曲等,都係好開心!」 此外,擔任頒獎嘉賓的薛家燕亦獲頒「2019愛心大使」獎。


另外,唐詩詠與王浩信主演劇集《解 決師》剛播出大結局,劇中二人未能終成眷屬,唐詩詠更難逃一死,不少網友傷心得直呼不能接受。對此,唐詩詠開心劇迷睇得投入,證明演出獲關注,又表示:「我 已經習慣咗Sad Ending,當然,唔希望角色會死,好似帶唔到歡樂畀大家, 但拍嘅時候都冇諗過觀眾會接受唔到,呢樣嘢幾意外。」


李佳芯寸寸貢照攞獎:真係估唔到!


無綫「視后」李佳芯憑《白色強人》醫生角色奪「2019星和TVB最喜愛角色獎」,她說:「今次攞獎真係有啲估唔到,因為《白色強人》今次幾齊人去,以為係去攞劇集獎。『Kennis』呢個角色有啲唔討好,太Cool、又寸又Mean,開心觀眾睇角色好立體同埋鍾意,喺海外攞獎係開心嘅,覺得連海外觀眾都支持香港劇,作為演員好開心。(無綫頒獎禮再攞獎?)冇信心,今次攞獎已經係Bonus,唔敢諗太多,攞咗一個已經好滿足,寄望《白色強人》攞劇集獎。」


而歌手鄭俊弘則憑《白》劇主題曲《選擇善良》奪「2019星和最佳TVB電視主題曲」獎,他說:「特別開心嘅係第一次喺新加坡攞獎!好多謝鍾意呢首歌嘅朋友,我會繼續努力唱多啲好歌。」得獎後歌迷為他補祝生日,他說:「好開心,有四、五年冇嚟新加坡,有啲歌迷由馬來西亞過嚟同我補祝生日,真係好感動。」


11次提名全落空!


馬國明首次於《星和》稱帝,其實他自2005年起已獲提名視帝,至今在無綫《萬千星輝頒獎典禮》中累積提名共11次,可惜全數落敗,故有「陪跑王」之稱。其中2012年台慶上大熱倒灶,失落獎項時露出「天然呆」表情,隨即被網民截圖瘋傳。


2012年憑《On Call 36 小時》「一件頭」一角人氣急升,首度於馬來西亞頒獎禮攞視 帝,更於台慶頒獎禮躋身五強,惟最終敗給黎耀祥。


2013年憑《On Call 36 小時II》再次成為賽前大熱,無奈於馬來西亞及香港雙雙落敗;《TVB馬來西亞 星光薈萃頒獎典禮2013》的「最喜愛TVB男主角」由張智霖奪得,而《萬千星輝頒獎典禮》則由黃子華奪視帝。


2017年主演劇集《降魔的》掀話題,被視為台慶「視帝大熱」,同時亦憑《心理追兇 Mind Hunter》入圍星、馬視帝,首次同時於三地獲提名,但未能跑出,其中在台慶頒獎禮被王浩信擊敗,只得「最受歡迎電視男角色」獎。


2018年再接再厲,憑劇集《宮心計2深宮計》一度入圍新加坡「最喜愛TVB男主角」及台慶頒獎禮最佳男主角最後五強,但最終分別敗給袁偉豪及馬德鐘。


更多新聞,請瀏覽東方日報網頁:

來源 source: http://hk.on.cc
鍾意就快D Share啦!