望與唐詩詠有Happy Ending 王浩信：我從來都冇好結果
王浩信和唐詩詠一起到電台為劇集《解決師》宣傳，對於第一周收視有27點（約172萬觀眾），二人都感到好理想，更多謝之前套劇《今宵大廈》留了些觀眾給他們。至於今次能否打破宿命不再是傷心結局？王浩信笑言：「我從來都冇好結果，今次結局嘅傷心程度算係過往拍過嘅劇集中傷心程度頭三位，當時仲要喺墨爾本拍，真係好難平服，（怕唔怕觀眾要求重拍結局？）上次《不懂撒嬌的女人》拍到中段發現好傷感，所以補拍咗大結局，嗰個係開心嘅彩蛋。」但唐詩詠則表示：「我拍嘅劇經常都係開心結局。」
王浩信即場多謝詩詠帶挈，每次跟她合作都會出現化學作用，出來的感覺又好。唐詩詠即向他說：「唔可以只係講而冇實際行動？」王浩信便答應請食飯，並希望相約劇中台前幕後一齊食。此外，王浩信透露12月中將開拍劇集《踩過界2》，他笑稱：「再次重返冇眼神狀態，今次仲多咗張曦雯同秦沛參演，真係既多挑戰又有壓力，因為拍劇以來從未試過拍續集。」唐詩詠則透露，兩年冇放過假，所以已取了大假在聖誕前至元旦後飛到泰國上「冥想」課堂。
來源 source: http://hd.stheadline.com
|
鍾意就快D Share啦！
|
|
|
