掃呢頁CODE去手機

2019年12月9日 星期一

【倒數17日】64歲蘇施黃宣佈月尾離開商台 首揭原因:要搵錢養老 __,蘇施黃,

(Facebook圖片)
商台節目主持蘇施黃今日突然在Facebook宣佈離開電台,她手執一張「17」字的紙張,留言:「各位親愛的聽眾、粉C(粉絲),現在開始倒數,仲有17日聽 ...




商台節目主持蘇施黃今日突然在Facebook宣佈離開電台,她手執一張「17」字的紙張,留言:「各位親愛的聽眾、粉C(粉絲),現在開始倒數,仲有17日聽到我在電台開咪,31/12/2019係最後一天。」



《蘋果》今日致電阿蘇,她笑言是因為「七年之癢,再加屎忽痕」,阿蘇的紅顏知己金燕玲於年初在節目《大玩派》驚爆患上子宮癌,問到阿蘇辭職,是否要專心照顧女友?她說:「金小姐好好。」而64歲的她強調不是退休,笑說:「我永不言休。」



阿蘇說:「每逢大日子,好似50歲、60歲、2010年、2020年,我都會自我檢討,發現距離自己有本事退休越嚟越遠,商台係安樂窩,我想努力啲搵錢養老,希望急速做啲嘢,喺香港養自己都難,何況搵退休錢,都要斷捨離,學o靚仔話齋,唔辭工唔知將來會點。」



雖然阿蘇未決定未來大計,但之前有位開餐廳的朋友,就給阿蘇靈感:「最近發現有樣嘢可以做,就係幫公司或餐廳企番起身,好似朋友搵我幫佢睇餐廳,我發覺裝修冇乜特別,啲嘢食又普通,我話不如執咗去,我係有嗰句講嗰句,所以,嚟緊我諗住幫人,畀意見睇吓可以點改革,憑我把口同經驗起死回生,我幾叻做呢啲,好過坐喺商台兩粒鐘,又幫唔到人,而且自己鍾意煮嘢食,之後會多啲喺網上拍嘢煮畀大家睇,唔可以再hea。」



阿蘇於78年由俞琤引薦加入商台,當時23歲的她,第一份工就是任職商台,41年來四進四出商台,問到離開會否不捨得?她說:「冇唔捨得,我成日出出入入,商台對我好好,如果到90歲仲有牙又返嚟做囉,始終有感情,今次只係出去搵吓食。」



倒數17日(Facebook圖片) 倒數17日(Facebook圖片)
早前金燕玲在阿蘇主持的節目驚爆患癌(Facebook圖片)

早前金燕玲在阿蘇主持的節目驚爆患癌(Facebook圖片)

鍾意就快D Share啦!