掃呢頁CODE去手機

2019年12月17日 星期二

【拍拖9年】男友有結婚事打算 35歲鄭融:都得個傾字,暫未係時候 __,鄭融,

現年35歲嘅鄭融,同老外男友Martin拍拖9年,好彩有男友陪佢走過人生低潮。曾經受情緒病困擾嘅Stephanie,除咗睇專科食藥同靠信仰治療,最感激 ...






現年35歲嘅鄭融,同老外男友Martin拍拖9年,好彩有男友陪佢走過人生低潮。曾經受情緒病困擾嘅Stephanie,除咗睇專科食藥同靠信仰治療,最感激Martin一直對佢不離不棄。Stephanie講過,就算自己對佢好冷淡,佢都默默接受,唔會多問一句,因為有時心情低落,自己都照顧唔到自己,更加唔會有時間及精神去理佢,雖然係咁,但Martin好體諒佢,佢最大嘅優點係從來唔會怪佢,只會體諒佢,喺佢身上學識咗體諒對方。

拍拖9年,Stephanie話已經視Martin為結婚對象,佢話過:「我覺得都係時候諗吓呢個問題(指結婚),幸好大家嘅步伐很一致,順其自然同男友每一刻都有傾婚事,但至今都係得個傾字,暫未係時候。」唔講結婚住,講吓Stephanie喺樂壇嘅成績,佢首《13樓的大笨象》好受樂迷歡迎,值得恭喜!呢日佢就約咗個男性朋友食lunch,鬼妹仔性格嘅Stephanie,好簡單咁同個friend齊齊喺超市揀咗啲快餐,排隊畀完錢後,直接喺超市外嘅飲食區開餐。立食對Stephanie嚟講完全冇問題,邊食邊傾,不知幾自在。好彩人人都知佢同Martin感情好好,如果唔係,好易畀人誤會。

攝錄:陳亦龍

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇

-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址


鍾意就快D Share啦!