掃呢頁CODE去手機

2019年12月10日 星期二

【徵麻雀腳】唔知「胡蔡戀」係咪真 許廷鏗大嗌頭痛 __,許廷鏗,

許廷鏗係咪要翻唱張學友的《情已逝》呢。
【徵麻雀腳】唔知「胡蔡戀」係咪真許廷鏗大嗌頭痛許廷鏗係咪要翻唱張學友的《情已逝》呢。許廷鏗(Alfred)、鄭欣宜(Joyce)、李幸倪(GinLee ...




【徵麻雀腳】唔知「胡蔡戀」係咪真 許廷鏗大嗌頭痛

許廷鏗係咪要翻唱張學友的《情已逝》呢。

許廷鏗(Alfred)、鄭欣宜(Joyce)、李幸倪(Gin Lee)、泳兒、吳浩康及MIRROR等今日出席《新城勁爆頒獎禮2019》記者會,對於有傳許廷鏗密友胡鴻鈞(Hubert)移情別戀蔡思貝,成為傳媒焦點的Alfred甫到場便嗌頭痛,笑問是否因Hubert被爆戀上蔡思貝,導致他「失戀」到頭痛?Alfred說:「頭痛冇咗隻麻雀腳呀?現在我斷腳呀!牌品好的麻雀腳難求,雖然Hubert牌品一般,但現在最重要是誠徵麻雀腳,哈哈!」

Alfred又扯開話題指頒獎禮相繼取消感可惜,朋友也替他不值,難得他今年成績好卻無緣上台領獎,而原定的頒獎禮檔期則接了其他工作,期待明年能再參與。

欣宜快啲安慰吓許廷鏗啦。
欣宜快啲安慰吓許廷鏗啦。
欣宜舉手要做Alfred麻將腳真係夠義氣。

欣宜舉手要做Alfred麻將腳真係夠義氣。

記者再追問,會否趁空閒約Hubert打牌傾心事?Alfred指二人上場無父子,甚少在牌桌上傾心事,故不知道「胡蔡戀」是否屬實。他說:「最近天氣凍,不少朋友都有新戀情,但我仍單身,搵麻雀腳緊要過拍拖」他又澄清沒有在社交網站抒發「失戀」情緒,只是宣傳新歌歌詞,希望網友不要過份解讀。他說:「我知有些粉絲對我與Hubert的緋聞有很多幻想,也知道他們有個群組叫「大Fred的愛」,相信謠傳是由這個群組傳出來,但自己覺得得啖笑!」問到會否祝福「胡蔡戀」?他笑說:「都係嘅!仲可以點呀?哈哈!過去讓它過去,大家開心就得其實我做音樂㗎,也不知為何要答這些,大家唔好搞我啦,哈哈!」

傳蔡思貝(後排左3)、胡鴻鈞(前排左2)拍《降魔的捉妖遊戲》撻著。

傳蔡思貝(後排左3)、胡鴻鈞(前排左2)拍《降魔的捉妖遊戲》撻著。
Alfred咁傷心仲要被傳媒追問感情事,冇陰功呀!

Alfred咁傷心仲要被傳媒追問感情事,冇陰功呀!

欣宜舉手做Alfred麻將腳

另外,問到欣宜有否安慰「失戀」的Alfred?欣宜笑言有戀過才能失,但不清楚「胡許」的關係,只覺得自己似單戀Alfred,皆因對方甚少找自己,故控訴他沒有良心。至於Alfred誠徵麻雀腳?欣宜即舉手說:「我識打麻雀,亦好鍾意打,但他不搵我,我嬲!其實我識打麻雀也是Alfred教,細個好抗拒學打牌,一來因為媽咪太勁,二來覺得一班人長時間坐在麻雀枱不郁好奇怪,現在學識了才明白為何媽咪揀麻雀都不揀我,哈哈!」

又談到另一位好友謝婷婷早前帶女返港,欣宜大呻無緣見面,但婷婷經常傳送女兒的照片給她看,問她可有生B衝動?她笑說:「我一向都有衝動,長期都有,完全沒有含蓄過。」


鍾意就快D Share啦!