掃呢頁CODE去手機

2019年12月19日 星期四

【爆相爆片】劉鳴煒被飛兩個月有新戀情 貼地約女茶記撐枱腳 __,劉鳴煒,爆相爆片,

  (讀者提供圖片)
富商大劉劉鑾雄長子劉鳴煒今年初被爆暗撻細他14年的中日混血兒、大台新聞女主播趙慧奈(Keina),但二人在10月各自在社交平台暗示感情有變,Keina ...




富商大劉劉鑾雄長子劉鳴煒今年初被爆暗撻細他14年的中日混血兒、大台新聞女主播趙慧奈(Keina),但二人在10月各自在社交平台暗示感情有變,Keina更多次出帖文大曬日本新歡Rikki Furuya同遊嘆海鮮,更有骨落地表示擇偶條件不是揀財富有型靚仔,忠誠才最重要,而劉鳴煒就留言引用電影對白「You just left」,戀情來得快,走得亦快。



百億筍盤「Package Lau」疑被女飛,情變回單身兩個月已又有女埋身了,《蘋果》讀者唐小姐日前(12月12日)就透過「爆相爆片」,在中環遇到劉鳴煒在中環有女撐枱腳,一向被批「堅離地」的劉鳴煒不是與女伴去米芝蓮星級餐廳開餐,而是幫襯平民化的翠華茶餐廳。從相片中,見到身穿西裝的劉鳴煒與疑似新歡的女伴對住坐,他們揀了近水吧前的角落位,附近亦未有食客,綠色燈光下都甚有情調,而疑似新歡外形就一頭長髮,身穿黑色行政服打扮,見她望住劉鳴煒時更甜笑及托腮,十分享受二人世界。



唐小姐回覆《蘋果》當時情況,當日大概晚上7時多,她見到劉鳴煒急步入餐廳:「佢入到門口見佢掃咗個場一陣,好似約咗人咁,佢問咗個女侍應幾句,就走咗落去餐廳下一層,後尾發現原來有個女仔坐咗喺餐廳下一層等佢,佢哋坐嘅位置係喺較偏僻嘅水吧位隔籬,餐廳下層最入嘅位,當時餐廳人流唔多,都唔見有侍應同客人認得出佢係大劉個仔。劉鳴煒一坐低就開始揭餐牌,見佢同個女仔都幾好傾,仲問個女仔想食啲咩,個女仔都笑得好開心吓,不過聽唔到佢哋內容講咩!後尾隔咗10分鐘左右,我都食完嘢離開咗餐廳,見唔到佢哋之後嘅嘢!」



(讀者提供圖片) 劉鳴煒約會了新女開餐,揀了平民化的茶餐廳。 劉鳴煒約會了新女開餐,揀了平民化的茶餐廳。
劉鳴煒急步入老茶,原來女伴已乖乖開定位等她。

劉鳴煒急步入老茶,原來女伴已乖乖開定位等她。
當時不算太多食客,二人可以安心撐枱腳。

當時不算太多食客,二人可以安心撐枱腳。
疑似新歡有一頭長髮,身穿行政服打扮。

疑似新歡有一頭長髮,身穿行政服打扮。
二人坐在水吧位對出的最入角落位置。

二人坐在水吧位對出的最入角落位置。
今年初,劉鳴煒被爆與大台新聞主播趙慧奈拍拖。(資料圖片)

今年初,劉鳴煒被爆與大台新聞主播趙慧奈拍拖。(資料圖片)

鍾意就快D Share啦!