唐英年太太嘅姪女郭佳怡好有guts，以佢家族地位嚟講，敢拍片支持反修例運動，好難得，亦好牙煙。所以，佢姑丈唐英年咪嗱嗱臨割席囉。相反，唐太郭妤淺繼續姿柔淡定，不徐不疾咁行書局。學外界話齋，比起唐生，唐太更有大將之風。
唐英年雖然從政多年，但要數佢政績真係有啲難度，鍾意飲紅酒嘅佢免咗紅酒稅，可能已經係最大貢獻沒有之一。
相反，佢卸膊與割席有幾叻就人人都知。佢姪女最近拍咗條片撐香港抗爭，唐唐即刻9秒9割席，透過發言人話：「言論屬其個人意見。」
割席快過乜咁，難怪有人覺得，如果真係有事發生追究起上嚟牽連到唐唐，佢一卸膊，唐太好大機會又要出嚟頂罪，話晒有前科吖嘛，當年約道7號僭建「地下唐宮」，唐太聲淚俱下講句「係我一手搞出嚟」攬晒上身，仲護住唐唐話佢並唔知情添。講真，搵鬼信咩。
總之，唐太真係好偉大，頂罪、婚外情、私生子，無論真假佢全部都忍。亦唔似一般闊太圍繞住濕平歎茶揮霍金錢，而係打扮樸實行書局睇商業書，而且係唔使用錢嘅打書釘，慳家到呢！如果夾硬要講，咪就係佢已經換咗三鏡頭新款電話囉。
BTW，唐太都好有guts，竟然夠膽著短裙仔出街，話晒天氣凍吖嘛。
【壹週刊直播平台 ChannelNEXT】
立即睇
全城抗暴 區區論壇同你深度剖析
-----------------------------
【升級壹會員登記站 為你解疑難！】
親臨旺角、銅鑼灣做升級壹會員，即送「香港人：抗爭之夏」限量明信片
詳情地址
來源 source: http://nextplus.nextmedia.com
|
鍾意就快D Share啦！
|
|
|