掃呢頁CODE去手機

2019年12月30日 星期一

盈遊大世界 黃紫盈 __,黃紫盈,

.httpool_video_addiv:nth-child(1){margin:20pxauto!important;}有人認為樹大好遮蔭,但亦有人 ...




有人認為樹大好遮蔭,但亦有人不甘受制度束縛,前TVB新聞小花黃紫盈(Connie),就偏要跳出安全網去遊大世界。近年,在網上不時看到她周遊列國,介紹旅遊景點。

離開TVB六年,紫盈BB原來已由主播變成旅遊達人,還有十數萬粉絲追隨。「我旅行鍾意同當地人溝通;推介嘅地方,都係有當地文化特色,連本地人都會去。」

然而,要數黃紫盈最令人印象深刻的事件,必定是她當年於報新聞期間,委屈泛淚的畫面。不過事過境遷,今天的黃紫盈已經脫胎換骨,她稱不開心的事情不會多記,踏上「盈遊之路」,亦只是機緣巧合,說到目標,隨心的她答道︰「o依家唔想Set太多限制俾自己,隨緣」

活得隨心,才是真正的黃紫盈。

在TVB年代,Connie曾於新聞直播期間泛淚,事件被揣測與其他主播因工作問題不和有關,是次訪問她就表示不欲多談往事。



雖然傳聞多多,但她離開舊公司時,也笑着說再見,還在其「發跡地」拍照留念。



南非首被騙



相約黃紫盈在尖沙咀一間餐廳做訪問,戴上格仔絨帽、一身日系打扮的她,與昔日清純長髮報新聞的形象截然不同。「其實我好鍾意戴帽o架,不過以前做主播無咩機會戴,髮型師仲專誠幫我整咗個髮髻,今日好大風,好驚佢散呀,哈哈!係女仔都貪靚o架」

起初以為經常周圍飛的她,皮膚會較差,但細看卻是白滑細緻。「我皮膚最差嘅年代,係做主播嘅時候,化住濃妝一日十幾個鐘,朝九晚廿四,日日都咁化,皮膚無得休息,唔生暗瘡就出奇。o依家我做自己生意,安排彈性啲,有時做幕後,唔使化妝就會好好多。」

Connie自六年前離開TVB後,就開始當上自由人,曾做過電台DJ、飲食節目主持等,後來還開了製作公司,拍短片、當活動司儀,而製作旅遊節目是重點之一。「我上星期先去完澳門,幫一間日本公司搞嘅活動做純日語司儀,之後又要去日本做節目,今年飛得較多,平均一個月飛一至兩次。」

在擔任記者及主播三年多期間,Connie學識了搜集資料及做報道,亦了解很多影視製作過程,對其日後開設製作公司幫助不少。



O九年在日本讀書,Connie與友人一起登上富士山頂。





外形活潑的她,性格同樣開朗,很容易與人打成一片,她自己也說拍旅遊節目是緣份,「當初從TVB跳出來,咩都想試吓,拍吓飲食節目,同幟哥合作,跟住又同媒體合作,拍片講吓旅遊體驗。」

直至一六年,有人邀請她製作線上旅遊特輯,Connie先後走訪南非、新加坡、德國、加拿大拍攝,也正式開始了她的「盈遊世界系列」。「呢個旅程去咗成個月,最深刻係去南非開普敦,喺約翰內斯堡機場等轉機時,有個當地人問我哋攞護照,我哋以為佢係旅遊局啲人,就俾咗本護照佢,點知佢一攞咗就跑,仲一邊跑一邊話:『Hurry!No time!』,最後佢跑到轉機位置,再同我哋講:『Money!Money!』。

「我同佢講我哋身上無美金,只得巴西幣,佢開頭唔肯(歸還護照),最後佢都無攞到啲錢,仲俾番本護照我哋,呢次係我喺南非最恐怖嘅經歷。坦白講,我又唔覺得成個南非治安都係咁差,可能每個城市唔同,開普敦啲人好親切,餐廳侍應仲好鍾意講笑,會整蠱你。」

一O年,她到英國劍橋大學進修國際關係學,與同學仔野餐合照。




鍾意就快D Share啦!