黃心穎又嚟喇！
藝人黃心穎自四月被揭偷食人夫許志安後形象插水，被全港網民鬧爆，她亦避走美國打算重新出發，而她之前拍下的劇集一直被指播出無期，但最近開始獲無綫放生逐一解封，早前主演的《牛下女高音》更成為台慶劇，兼且反應不俗！她另一套「倉底貨」、與洪永城及湯洛雯等主演的《丫鬟大聯盟》被安排月中在馬來西亞播放，據知將於12月30日在港播出，更一刀不剪，接《多功能老婆》檔期播出。
與心穎有大量對手戲的湯洛雯，得知《丫》劇獲「放生」大感興奮，她說：「都好開心，因為台前幕後都好畀心機拍，同埋好耐冇睇過自己演古裝，想睇吓出嚟效果係點。（唔使刪剪？）本身都係得15集，雖然依家拍緊新劇《失憶24小時》，但到時我應該得閒嘅，會幫手宣傳㗎！」
而洪永城說：「同事都期待好耐，希望呢段時間可以透過呢部劇，提供多啲歡樂畀大家」
來源 source: http://hk.on.cc
|
鍾意就快D Share啦！
|
|
|