2019年12月18日星期三

【頭條獨家】有男有女去睇戲麥子樂強調女友人係朋友 __,麥子樂,

【頭條獨家】有男有女去睇戲麥子樂強調女友人係朋友

麥子樂同女友人邊行邊傾，好多嘢講喎。

下個月40歲的麥子樂呢期忙為ViuTV新劇《地產仔》開工，日前放假就約埋老友周祉君同一男一女友人去銅鑼灣睇戲，睇戲前行陣街，麥子樂發現記者，為怕記者誤會佢同女友人係一對，主動同記者講:「朋友嚟㗎咋。」哦。採訪:梁志明

同過佘詩曼傳緋聞，39歲嘅麥子樂出身自無線04年訓練班，同期同學有胡定欣及黎諾懿，一個係視后，一個有自己節目，當年有「翻版林峯」之稱嘅麥子樂早已逃離TVB向外發展，去過港視拍劇，又簽咗古天樂旗下經理人公司，近年影視齊發展，同鄭秀文拍《花椒之味》，又不斷為ViuTV拍劇，算搵到食。

咁驚咩?

因為麥子樂喺《地產仔》中要飾演爛撻撻的裝修師傅，導演要求唔會着太多衫，要騷肌同好麻甩，所以本來已係大隻仔嘅佢再刻意做運動操肌及節食減肥。日前傍晚6點，好大隻嘅麥子樂同周祉君及一男一女友人現身銅鑼灣，一行四人去咗柏寧酒店附近睇眼鏡，然後再去翡翠明珠廣場買飛睇《神探白朗:福比利大宅謀殺案》，發現記者嘅麥子樂好擔心，擔心咩?擔心身旁女友人會被誤會同佢有Road，所以主動同記者講:「朋友嚟㗎咋。」咁咪叫無私顯見私囉。