落工展會擔任一日店長 黎燕珊變「拉鏈口」拒劇透
黎燕珊（珊姐）日前應阿一鮑魚公主（香港）有限公司董事總經理劉哲宇（Lisa Lau）邀請，以「阿一鮑魚」即食鮑魚產品系列宣傳大使身份，到工展會擔任一日店長。由於珊姐在TVB劇《多功能老婆》飾演的「Annie姐」深入民心，當日不少途人見到她都改口叫「靚女Annie姐」，其間，更有粉絲主動買產品為求影合照，珊姐當然有求必應
這位盡責的「店長」又化身「多功能Annie姐」，站在櫈上落力大嗌：「Annie姐推介，『鮑』你有筍價！」成功吸引市民買福袋、海味及即食鮑魚，連「鮑魚公主」Lisa也大讚：「珊姐真係最佳店長，要畀個Like佢！」鑒於《多》劇即將大結局，不少粉絲都忍不住向珊姐「套料」，追問楊千嬅究竟選擇前夫黃浩然，抑或「暖男Oppa」周柏豪？劇中，飾演千嬅得力助手的她笑稱：「我要變『拉鏈口』，絕對唔會透露半點風聲！我連自己仔女都冇情講呀，就算佢哋啲同事、同學追問結局劇情，我都依然保密，其實我都係用心良苦，希望大家追睇到最後一刻，更加覺得回味啫！」
此外，當日「一哥」楊貫一亦有到工展會，Lisa對師傅都十分敬重，仲即席讓一哥及珊姐品嚐其出品的即食鮑魚，一哥亦食到津津有味，對於這位愛徒的出品，他都十分滿意，Lisa又透露目前不斷研發新口味即食鮑魚系列，希望傳承師傅心願，百姓家庭都食到優質鮑魚。
來源 source: http://hd.stheadline.com
|
鍾意就快D Share啦！
|
|
|
