掃呢頁CODE去手機

2019年12月19日 星期四

陳奕迅冇騷開時間多 做司機遇記者即撇老婆 __,陳奕迅,

Eason日前下午車去老婆間舖,不過最後未有落車。
Eason日前下午車去老婆間舖,不過最後未有落車。陳奕迅(Eason)原定今個月初起喺紅館舉行25場跨年「FearandDreams」演唱會,不過因 ...




陳奕迅(Eason)原定今個月初起喺紅館舉行25場跨年「Fear and Dreams」演唱會,不過因近月社會局勢同交通配套等問題影響,主辦機構ESL Ltd喺上個月以無法保證觀眾安全同交通配套下,宣佈取消,影響20萬觀眾。噚日主辦機構喺社交網公佈退票安排,優先訂票同公開發售嘅門票,將分別喺明年3月及4月退款,不過今次退款唔包括信用卡同城市售票網收取嘅手續費。

結果引起購票觀眾不滿,留言怒轟:「點解要等四個月?點解唔退手續費?」、「8蚊一張手續費,你25場,有20萬觀眾,你食咗160萬!嘩!勁過大白象工程」、「門票又冇出又冇寄,憑乜收個32蚊手續費?」等。據了解,手續費係信用卡公司同城市售票網收取,與主辦機構無關,而內部訂票嘅手續費,會全部退回給歌迷會。



徐濠縈日前喺時裝店等老公Eason。

徐濠縈日前喺時裝店等老公Eason。

撇低徐濠縈

另外,Eason因為演唱會取消,多咗時間可以陪屋企人,日前《蘋果》喺銅鑼灣就撞到佢,當日約下午4點半,見Eason親自揸車去老婆徐濠縈嘅時裝店,不過阿徐一早發現有記者影相,就通知Eason,所以佢揸車去到老婆嘅舖頭附近,未有即時停車。

當Eason準備離開又遇上紅燈,本來記者想上前做訪問,但係Eason笑笑口拉起司機位嘅玻璃窗,趁轉綠燈就踩油離開。而阿徐俾Eason撇低後,就繼續留喺店內。

撰文:馮仁昭




鍾意就快D Share啦!