掃呢頁CODE去手機

2019年12月12日 星期四

【頭條獨家】婚後極忙 新劇煞科即補償 陳山聰帶怕醜老婆撐枱腳 __,陳山聰,

陳太好努力避鏡頭,無論企喺山聰側面定入電梯後。
【頭條獨家】婚後極忙新劇煞科即補償陳山聰帶怕醜老婆撐枱腳陳太好努力避鏡頭,無論企喺山聰側面定入電梯後。今年11月1日,43歲的陳山聰跟拍拖6年的40歲 ...




婚後極忙新劇煞科即補償陳山聰帶怕醜老婆撐枱腳陳太好努力避鏡頭,無論企喺山聰側面定入電梯後。今年11月1日,43歲的陳山聰跟拍拖6年的40歲 ...




【頭條獨家】婚後極忙 新劇煞科即補償 陳山聰帶怕醜老婆撐枱腳

陳太好努力避鏡頭,無論企喺山聰側面定入電梯後。

今年11月1日,43歲的陳山聰跟拍拖6年的40歲圈外女友Apple結婚,婚後唞咗幾日就要開工趕拍新劇《大步走》,由朝拍到晚,山聰話,「每一日都係收工喺張床先見到老婆,會趁休息多啲時間陪佢。」講就易,莫講話「造人」大計,新婚人夫連瞓都無乜時間。近日新劇終於煞科,同陳煒去完內地烏鎮商演嘅山聰即刻交人,帶老婆去「米芝蓮指南」推介嘅銅鑼灣西苑食飯,見到記者嘅山聰話:「啱啱返香港,同老婆撐枱腳。」陳生甜甜笑,但陳太就超怕羞,全程擰歪面避鏡頭,好搞笑。採訪:李權威、李維隆

老婆唔想獨自面對傳媒,返轉頭等埋山聰出門口,見到記者,山聰有禮打招呼。
老婆唔想獨自面對傳媒,返轉頭等埋山聰出門口,見到記者,山聰有禮打招呼。
山聰夫婦同老闆娘傾偈,應該成日幫襯,係熟客仔。

山聰夫婦同老闆娘傾偈,應該成日幫襯,係熟客仔。

明年1月舉行的《萬千星輝頒獎典禮2019》,視帝之爭相當激烈,除了《白色強人》拍檔郭晉安同馬國明,還有話題劇《金宵大廈》的陳山聰及《解決師》的王浩信等,唔少網民力推在《金宵大廈》中飾保安員「阿蕭」的山聰做視帝。對被網民推舉,山聰曾笑言:「唔係有冇信心問題,係仲未有資格攞獎,仲有好大好大進步空間,繼續努力啦。」

入電梯後,山聰繼續揮手,陳太就愈匿愈入。

入電梯後,山聰繼續揮手,陳太就愈匿愈入。
山聰一個人去印停車飛,老婆就企喺電梯前等候。

山聰一個人去印停車飛,老婆就企喺電梯前等候。

努力實行造人大計

結咗婚,劇集又有好成績,完全洗底的山聰好感恩,佢仲好想快啲做爸爸,仲話好恨生女。上月尾,山聰終於拍完劇,今年拍咗三套劇嘅山聰覺得體力透支,會放假休養身體,問到會否全力開工「造人」。陳山聰笑說:「樣樣都係,順其自然,做乜嘢都需要活力。結婚之後日日開工拍劇,每一日都係收工喺張床先見到老婆,會趁休息多啲時間陪佢。」他計劃明年與老婆到意大利的小島度蜜月。

陳太好怕羞避鏡頭

今個月尾,山聰又會同李施嬅、馬德鐘到美國登台,新年亦會再同陳煒到外地登台,努力搵真銀。剛同陳煒去完內地烏鎮商演嘅山聰一得閒即補償,拖老婆去銅鑼灣撐枱腳,據目擊食客透露,兩人食得唔多,但全是酒家馳名食品,如叉燒及花膠湯,又食又傾個幾鐘就埋單,陳太先步出,一見記者即返轉頭搵老公,其間見到老闆娘,兩公婆即寒暄數句,明顯係熟客。山聰見到記者有禮揮手,表示「啱啱返香港,同老婆出嚟撐枱腳。」陳太好怕羞,一直避鏡頭,就算入到電梯都一樣背住記者面壁,極之怕鏡頭。

山聰搭住老婆膊頭等電梯,佢老婆應該心諗:「快啲到啦。」

山聰搭住老婆膊頭等電梯,佢老婆應該心諗:「快啲到啦。」
婚前婚後,山聰都同姚子羚趕拍《大步走》,上月尾終於拍完。

婚前婚後,山聰都同姚子羚趕拍《大步走》,上月尾終於拍完。
山聰好錫姨甥女,一得閒就會帶小妹妹去公園玩。

山聰好錫姨甥女,一得閒就會帶小妹妹去公園玩。
網民力推在《金宵大廈》中飾保安員「阿蕭」的山聰做視帝。

網民力推在《金宵大廈》中飾保安員「阿蕭」的山聰做視帝。
11月1日,陳山聰同Apple完成早上註冊及斟茶儀式後,晚上在九龍一間酒店筵開17席。

11月1日,陳山聰同Apple完成早上註冊及斟茶儀式後,晚上在九龍一間酒店筵開17席。

鍾意就快D Share啦!