掃呢頁CODE去手機

2019年12月16日 星期一

法甲:前曼聯球星重傷收咧 荷蘭爭歐國盃凍過水 __,曼聯,

堅慘呀!大鑊呀!效力法甲里昂嘅荷蘭球星迪比,尋晚代表球隊出戰雷恩,意外受傷被提前換走,賽後證實係膝部十字韌帶撕裂,球隊體育總監祖連奴比南布肯奴話迪比今 ...






堅慘呀!大鑊呀!效力法甲里昂嘅荷蘭球星迪比,尋晚代表球隊出戰雷恩,意外受傷被提前換走,賽後證實係膝部十字韌帶撕裂,球隊體育總監祖連奴比南布肯奴話迪比今季提早收咧。呢位今季表現大勇嘅前曼聯中場家陣被逼長抖,唔止話里昂爭歐洲賽席位受打擊,就連荷蘭出年爭歐國盃都受到牽連,爭標機會隨時凍過水呀!


要知道迪比自從由曼聯過檔里昂,每季表現都愈來愈進步,今季佢喺各項賽事包括球會同國家隊合共上陣32場,足足入咗23球,平均74分鐘就能貢獻1個入球或助攻,絕對係頂級球星數據。最慘係依家迪比至少休戰6個月,即係出年歐國盃決賽周都唔使預佢,對於等住睇「橙衫軍」復甦爭盃嘅球迷嚟講,絕對係巨大惡耗。


立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。

來源 source: http://hk.on.cc
鍾意就快D Share啦!