掃呢頁CODE去手機

2019年12月24日 星期二

周潤發:發哥低調現身!家姐周聰玲爆媽咪想偷走 __,周潤發,發哥,

周潤發同家姐周聰玲分別到醫院探媽媽。影帝周潤發今日下午一身黑色運動裝到養和醫院探望母親,見到傳媒等候時禮貌婉拒拍照及做訪問。大約一小時後,發哥家姐周聰 ...




周潤發同家姐周聰玲分別到醫院探媽媽。


影帝周潤發今日下午一身黑色運動裝到養和醫院探望母親,見到傳媒等候時禮貌婉拒拍照及做訪問。


大約一小時後,發哥家姐周聰玲亦現身醫院,佢話隔日會嚟探媽媽:「因為我喺粉嶺有個攝影展覽,所以隔日嚟。媽媽情況好咗,有一日佢問我有冇鉸剪,因為佢想偷走,畀條繩綁住,想走人。(媽咪精神點?)精神番,但上星期唔得,因為轉天氣,氣管唔得,啲痰塞住,要吸氧氣,呢幾日精神好番好多。(佢落得床行未?)唔知,佢有工人陪佢,慢慢啦,一步一步嚟。」問到周潤發有冇去佢個展覽?佢話細佬平時作風好低調:「佢平時戴漁夫帽遮住晒,唔會話我知,驚傳媒知道嚟等佢。」


問到媽媽幾時可以出院?佢話:「唔知,醫生話OK就得,我做女嘅得閒嚟探佢。」之後佢大約逗留15分鐘後便離開醫院,透露見唔到發哥。

來源 source: http://hk.on.cc
鍾意就快D Share啦!