2019年12月8日 星期日

體會母親偉大 吳若希趕返家同媽咪賀壽 __,吳若希,

體會母親偉大吳若希趕返家同媽咪賀壽吳若希(Jinny)媽媽4年前因踩單車發生意外重傷入院,要做開腦大手術,幸而經已康復過來,令到孝順女都鬆咗一口氣,更 ...




體會母親偉大 吳若希趕返家同媽咪賀壽

吳若希(Jinny)媽媽4年前因踩單車發生意外重傷入院,要做開腦大手術,幸而經已康復過來,令到孝順女都鬆咗一口氣,更加體會到做母親的偉大,所以視兩歲半的淼淼Giselle為掌上明珠,真係鍚到燶㗎!

昨晚Jinny入咗TVB為《善心滿東華》表演,原來她的愛女淼淼係Jinny小fans,淼淼透過電視見到媽咪唱緊歌,即肉緊上前摸住電視熒幕不停重覆講:「媽咪、媽咪、媽咪、媽咪、媽咪....摸手手!」相當可愛。連吳若希都忍唔住開心share,發文留言:「由佢老竇send呢條片畀我到今朝,我loop咗超過一百次,就係為咗聽佢講摸手手....有了你等於有了全世界!」唔少網友都留言:「So cute!」不過有人苦口婆心提醒Jinny:「可愛,不過不要行近電視,影響眼睛!」亦有大讚Jinny:「愈唱愈好,加油!」

另外,尋晚Jinny做完《善心滿東華》後就飛奔返屋企,原來孖住細佬同媽咪切餅慶生,Jinny喺社交網晒相兼留言:「趕得及回來陪你吹蠟燭,生日快樂。」鏡頭前唔見咗焱焱同Jinny老公Alex,但3仔乸依然好溫馨呀!而且發育中的細佬仲好靚仔好搶鏡添。


鍾意就快D Share啦!
Related Posts Plugin for WordPress, Blogger...