網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年12月29日 星期日

【節目被cut】89歲老臣子朱維德冇得撈 大動肝火:無綫越來越衰 __,無綫,

(mytv super截圖)
人稱「朱翁」的朱維德今年已達89歲高齡,曾主持《歡樂今宵》、《大江南北》、《體育世界》、《都市閒情》等節目,現仍活躍於幕前,更是《文化廣場》的老臣子, ...






人稱「朱翁」的朱維德今年已達89歲高齡,曾主持《歡樂今宵》、《大江南北》、《體育世界》、《都市閒情》等節目,現仍活躍於幕前,更是《文化廣場》的老臣子,由1997年5月起做到今日最後一集,亦是他現階段唯一一個節目。朱翁今日接受傳媒訪問,仍然中氣十足,對節目完結反應出奇地冷淡,他說:「冇話捨唔捨得,做得最耐係我,當年我喺加拿大返嚟,最初係做《婦女新姿》,監製話『畀多個節目你做唔做?』我問點㗎?佢話『十衰之首』,即係全線最衰、最冇人睇嘅節目中排第一。我話好啦,我做,一年內我幫你脫個十衰,結果做咗咁耐。」



朱翁曾經問過為何要保留該節目,他說:「原來政府一定要咁做先會發牌,多年來人手調來調去,係我做到現在。」對於無綫炒一成幕後人員,他直斥其非:「我諗可能唔止喇,佢哋炒完都繼續做(同類型節目),咁無綫越來越衰,走去買片返嚟就算,可能大陸或台灣片。」可擔心缺乏香港地道文化?他說:「而家無綫唔講地道,無綫講錢。」



朱翁是香港元祖旅遊達人,向來見多識廣,計仔多多。他自認曾「口痕痕」向無綫推薦節目但被拒,他說:「其實我可以做好多節目,但無綫唔要我做之嘛,我可以做旅行,現在都可以,佢又唔睬我,我又唔理佢啫。我到而家都有搞旅行團,做過一個全牛宴,牛包豬,豬包羊,羊包雞,雞包鴿,幾近失傳,我返嚟話畀無綫聽,但佢哋唔敢做。我又認識大陸一位茶王,書房好似茶葉博物館咁,我話人哋贊助仲要錢咩?佢哋話『出鏡要錢』,我聽到都暈,真係嘥心機,大佬你都要出啲錢㗎,個節目又要人買埋,我做埋營業部啦,我使乜做藝員呀!自從嗰次之後,我都憎到極喇,叫我做啲嘢我都唔睬佢,好多新嘢都唔畀佢。」



問到可擔心被雪藏?朱翁說:「有乜雪啫?我一個節目之嘛,每個禮拜得一集,一直得《文化廣場》一個節目,都係因為我鍾意藝術同音樂。」他透露明年6月約滿,無綫暫時未有人斟續約,但已有其他電視台向他招手。



朱維德是《文化廣場》節目的老臣子,亦是他現在唯一的無綫節目。(IG圖片) 朱維德是《文化廣場》節目的老臣子,亦是他現在唯一的無綫節目。(IG圖片)
每逢周日早上9時至9時半播出的《文化廣場》,今日播映最後一集。(無綫電視截圖)

每逢周日早上9時至9時半播出的《文化廣場》,今日播映最後一集。(無綫電視截圖)
朱翁是元祖級的旅遊達人,好喜歡探索新事物。 (mytv super截圖)

朱翁是元祖級的旅遊達人,好喜歡探索新事物。 (mytv super截圖)
朱翁過去都有參與劇集演出。  (mytv super截圖)

朱翁過去都有參與劇集演出。 (mytv super截圖)

鍾意就快D Share啦!