掃呢頁CODE去手機

2019年12月12日 星期四

英超Fever:砌低曼聯!利物浦低價買入日本神鋒 __,曼聯,

(互聯網)英超1哥利物浦本季順風順水,但球隊板深度遠遠不及曼城,要捱到季尾力爭隊史上首個英超冠軍及衞冕歐聯錦標,買人刻不容緩。2大利物浦專家記者Pau ...




(互聯網)


英超1哥利物浦本季順風順水,但球隊板深度遠遠不及曼城,要捱到季尾力爭隊史上首個英超冠軍及衞冕歐聯錦標,買人刻不容緩。2大利物浦專家記者Paul Joyce及Melissa Reddy,不約而同表示紅軍將於冬季轉會窗,購入薩爾斯堡前鋒南野拓實。據2人透露,呢名現時日本王牌攻擊手,1月將以超低價725萬鎊加盟利物浦,利迷都高呼抵到爛!


利物浦於歐聯分組賽約上薩爾斯堡,兩循環都贏得辛苦,其中於晏菲路一戰更令利迷食晒救心,贏緊3球被追番3球,好彩最後由穆罕默德沙拿奠勝球全取3分。日本24歲前鋒南野拓實喺呢場賽事,貢獻1入球、1助攻,表現光芒四射,去到紅軍作客奧地利,南野雖然冇咁搶鏡,但上半場一次於中場策動,同隊友於禁區邊嚟個後腳妙傳,跟手殺入禁區起腳,睇到南野堅有料到。其實於舊年年尾,南野已成為史上首個於歐霸盃大演帽子戲法嘅日本球員,可謂潛力無限。


Paul Joyce及Melissa Reddy同利物浦關係密不可分,被利迷視為最可靠嘅消息來源,其中Paul Joyce話南野份合約,注明解約金只需725萬鎊,利物浦將於1月提出收購;Melissa Reddy講到更實:「已訪問薩爾斯堡高層,利物浦對南野拓實提出嘅725萬鎊收購,雙方基本上達成協議。呢個價錢非常抵買,因為南野係薩爾斯堡嘅真正球星。」據Melissa表示,因為利物浦同薩爾斯堡關係良好,所以後者更傾向南野轉投紅軍,據報曼聯亦對南野有興趣,但於收購過程中,薩爾斯堡幫助利物浦勸服南野,令後者一心轉投紅軍。


南野拓實除咗有一定入球把握力外,最犀利係佢踢墮後前鋒,可憑超勤力走動以及高超創造力,從中場帶生個波製造攻勢,呢個打法勁啱利物浦,再加上價錢實在太抵,相信利迷都好希望南野快啲加盟。

來源 source: http://hk.on.cc
鍾意就快D Share啦!