網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年12月23日 星期一

英超Fever:孫興民紅牌韋利安球王 車路士完勝熱刺 __,孫興民,

(法新社)延伸閱讀:【破9年英超領紅紀錄!孫興民復仇暴力王】https://bit.ly/2PQkn42 韋利安球王上身梅開二度,加上孫興民報復踢人領 ...




(法新社)


延伸閱讀:
【破9年英超領紅紀錄!孫興民復仇暴力王】


韋利安球王上身梅開二度,加上孫興民報復踢人領紅,車路士作客2:0完勝熱刺,摩連奴喺徒弟林柏特面前,輸到一敗塗地。車仔近5聯賽輸4場,今仗變陣出擊表現遠勝對手,韋利安上半場先入世界波再入12碼,熱刺本身已經難踢,換邊後仲要有老孫報復踢魯迪加領紅,踢少1人熱刺返魂乏術,摩連奴於職業生涯,首次於主場倒戈輸波。


車仔今仗變陣,踢3中堅陣式,前場韋利安更有球王級演出,蒙特美臣同高華錫亦踢得好生猛。12分鐘車仔左路短角球,韋利安擺過奧利亞,右腳彎射遠柱入網勁精彩,早早領先1:0。熱刺之後反擊,28分鐘施穆沙施素高壓入禁區右腳橫傳,哈利卡尼第一時間狂抽高出,1分鐘後卡尼右輔位傳中,孫興民遠柱左腳一射又唔中龍。


延伸閱讀:
【特稿】變陣匠心獨運 林伯贏晒摩佬


到上半場補時階段,熱刺門將加沙寧加派膠,解圍唔到踢唔中個波,反而成份撞低咗馬高斯阿朗素,球證安東尼泰萊即時吹阿朗素犯規。但經VAR裁判翻睇當時情況,決定畀12碼車仔,韋利安一抽入網,半場2球領先。


換邊後摩連奴換入基斯甸艾歷臣,但熱刺依然處於劣勢,反而車仔攻門仲有威脅,55分鐘馬高斯阿朗素左腳勁射,加沙寧加撲出不遠阿巴謙補中,但因越位在先食鋪詐胡。


60分鐘孫興民宣布熱刺今場玩完,呢名南韓天王同魯迪加撞埋一堆,老孫跌落地報復式向上踩,VAR裁判決定畀紅牌。熱刺打少個破蛋乏力,相反韋利安去到完場前仲大把貨,多次美妙傳送,但簡迪同列斯占士都未能入波,94分鐘韋利安妙傳,巴舒亞伊推入禁區抽射僅斜出,熱刺輸0:2已經輸得少。


摩連奴於職業生涯中,每次為新東家主場出擊鬥舊會都好醒神,於所有賽事13次倒戈取得12勝1和成績,但今次鬥車仔就完敗收場,打爛咗個金漆招牌。事實上林柏特上季帶領打比郡,於英聯盃越級挑戰由摩連奴帶領嘅曼聯,最終打成2:2仲射贏12碼晉級,今次仲輕取恩師帶領嘅熱刺,堅係一代新人勝舊人。


立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。

來源 source: http://hk.on.cc
鍾意就快D Share啦!