網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年12月6日 星期五

【自嘲死港女】前FFx成員李詩詠棄選區議員 望港人唔好再瞓 __,FFx,唐詩詠,李詩詠,港女,

攝影:林賓尼
「後悔㗎!」早前參選區議員,但最後選擇棄選,未有現身選舉活動的前組合FFx成員李詩詠(Ceci),日前在尖沙嘴接受《蘋果》訪問,未待記者將問題問完,便 ...






「後悔㗎!」早前參選區議員,但最後選擇棄選,未有現身選舉活動的前組合FFx成員李詩詠(Ceci),日前在尖沙嘴接受《蘋果》訪問,未待記者將問題問完,便急着回應。



現年25歲的Ceci,早前被眼利網民發現參選區議員,選區為沙田「秦豐」區,她以極「土炮」的方法製作選舉海報,加上過度P圖,惹來網民瘋狂討論。Ceci最後未有現身選舉,但仍然獲得43票,未知算不算是奇蹟。



訪問開始,第一時間問Ceci為何參選?正當以為會有甚麼鮮為人知的原因,答案卻原來簡單得——好簡單。



「好多人鬧我MK妹,雖然我都唔知點解,但如果你眼中嘅MK妹都肯行出嚟發聲,好希望話畀仲瞓緊覺嘅香港人聽,唔好再瞓!」



Ceci說:「相信過去幾個月好多人都唔開心,會好嬲同瞓唔着,或者喊,我都覺得自己係死港女,以前只係想返工、拍拖、去旅行同影靚相,覺得政治唔關我事,好遙遠,因為有乜政策都唔關我事,有乜福利我又攞唔到,但作為化妝師,你突然同我講,我戴口罩同買觀星筆都會俾人拉,唱首歌都唔得,先發現政治唔係好遠。」



對於被部份網民懷疑她參選目的是鎅票,Ceci堅決否認,「我唔知點樣解釋,咁不如用行動話畀大家知啦,咁我唔選啦,不過都要多謝投咗我票嗰43個人,唔知乜嘢原因投我,但都多謝佢哋。」



然後,Ceci又自爆那張「土炮」選舉海報她就是「經手人」。她說:「有設計師朋友見到海報都問我搞乜,點解唔搵佢哋幫手,其實自己唔係唔想搵人幫,係預咗做乜都會俾人鬧,我想保護朋友,寜願低劣咁去做,咁我認我P圖係多咗少少嘅,個下巴係尖咗……但我要澄清,我畫嗰隻係有魚尾嘅狗,唔係貓。」



離開娛樂圈後,Ceci將興趣變為工作,自己開了工作室幫人化妝,有一批固定熟客。難得逃離是非圈,卻因為參選區議員再次成為網民攻擊對象,值得嗎?Ceci苦笑謂:「好多人笑我,我唔知點解,可能笑我樣衰啦,雖然我唔覺得自己特別樣衰。初初係唔開心,但我冇做錯,同埋我覺得而家仲笑得出係好奢侈,但如果我離開咗咁耐,仲令人笑得出,我都好榮幸,但笑完希望做番正經嘢!」



然而,Ceci報名參選區議員前,也並非只是鍵盤戰士,她和不少香港人一樣,曾經走上街頭,為自己、為香港人發聲。她說最深刻一次是有位伯伯擋在她前面:「有個『守護孩子』 嘅阿伯擋喺我前面,叫我『阿妹呀,你喺我後面吖,我80幾歲冇事㗎』,真係好感動,之後就有個高大嘅男仔,擋喺我同阿伯前面,叫我哋唔好爭,我哋三唔識七㗎,所以先要行出嚟囉!」



說將來,Ceci明言自己一定會留在香港,縱使身邊不少朋友經常嚷着要離開香港,但始終沒有這個打算。至於,可曾想過有天醒來會一無所有?Ceci直言:「驚,但無得再驚,因為好多人唔係一無所有咁簡單,有啲人係『不見了』,至少而家自己仲坐喺度。」



訪問當日,Ceci叫來昔日戰友潘穎琳(Mizaki)在現場為她壯膽。對於這位相識6年的好友,忽然報名參選區議員,Mizaki坦言知道後也感驚訝,第一句問Ceci問題是「你驚唔驚俾人鬧呀!」不過,既然朋友已經有決定,Mizaki還是支持,只擔心她承受不了壓力。



Ceci又透露,她和Mizaki計劃稍後會在YouTube開一個頻道,主要分享旅遊攻略及美妝話題,她說:「我哋識咗6年,好開心keep到呢段友誼,我哋成日都想有啲嘢一齊做,早排終於諗到一齊開一個Channel,之後我會去首爾,Mizaki會去東京,跟住大家又會一齊去泰國,我哋會拍片返嚟。」Mizaki則表示,希望講一些女孩子都有共鳴的話題。



採訪:鄉奈仁

攝影:林賓尼

影片:廖達燊

場地:草民



攝影:林賓尼 Ceci希望大家笑完她MK妹之後,會想一想為何她也走出來,但大家還未「瞓醒」。 Ceci希望大家笑完她MK妹之後,會想一想為何她也走出來,但大家還未「瞓醒」。
Ceci說不會離開香港這個家。

Ceci說不會離開香港這個家。
自認港女的Ceci,見到飲品當然要相機食先。

自認港女的Ceci,見到飲品當然要相機食先。
呢杯飲品,的確未飲都覺得「好潤」!

呢杯飲品,的確未飲都覺得「好潤」!
Ceci和Mizaki相識6年,一直好好朋友。

Ceci和Mizaki相識6年,一直好好朋友。
Ceci稍後會與Mizaki一齊開Channel在網上分享旅遊及扮靚心得。

Ceci稍後會與Mizaki一齊開Channel在網上分享旅遊及扮靚心得。
參選區議員的「土炮」選舉海報,原來是Ceci自己設計。

參選區議員的「土炮」選舉海報,原來是Ceci自己設計。
介紹自己的內容都相當簡單。

介紹自己的內容都相當簡單。
FFx在2016年隨着各人有不同發展,自動解體。

FFx在2016年隨着各人有不同發展,自動解體。

鍾意就快D Share啦!