網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年12月11日 星期三

卸下主播身份談tvb偏頗 張文采:接受唔到咪走 __,張文采,

張文采卸下主播身份,日前接受《蘋果》專訪時大談當主播時的點滴。
張文采卸下主播身份,日前接受《蘋果》專訪時大談當主播時的點滴。現年34歲的張文采上月25日最後一次現身無綫新聞,在新聞報道結束前,她向觀眾作最後道別: ...






現年34歲的張文采上月25日最後一次現身無綫新聞,在新聞報道結束前,她向觀眾作最後道別:「呢節新聞報道完喇,多謝大家十年嚟嘅支持,後會有期,再見。」正式結束與無綫的十年賓主關係。回復自由身的張文采,日前在觀塘接受《蘋果》訪問,眼前的她像變了另一個人,除了一臉輕鬆的笑容,髮型、化妝及衣着打扮都跟新聞報道內的「張文采」很不同。張文采笑謂:「有同事問我離職後第一件事係咪去生仔,我就話係去染頭髮,因為一直好恨染一個灰色頭,所以即刻去染。」



張文采上月25日最後一次現身無綫新聞報道後,正式結束十年的主播生涯。電視圖片 張文采上月25日最後一次現身無綫新聞報道後,正式結束十年的主播生涯。電視圖片
張文采表示與無綫的同事相處愉快,不時搞大食會聯誼。微博圖片

張文采表示與無綫的同事相處愉快,不時搞大食會聯誼。微博圖片
張文采直言去年已計劃在無綫做滿十年便離開。

張文采直言去年已計劃在無綫做滿十年便離開。

最後出鏡緊張手震

重提當晚最後一次報新聞,張文采說:「之前同事問我有冇緊張我都話冇,但原來坐低咗真係有啲緊張,我本來冇諗住要講啲乜,但同事就話最後一次,一定要講啲嘢,於是我就叫編輯畀五秒時間我,緊張程度比第一日返工仲大,手心冒汗,好唔想讀錯同食螺絲,真係手都震,想喊咁滯,讀完之後望出去見到好多同事伏晒喺玻璃望住我,大家拍晒手掌,出到去就忍唔住喊喇!」

無綫新聞部過去半年屢被批報道偏頗,內部亦爆發離職潮,有傳一周內有八個記者、主播辭職。一直未有公開表態的張文采,承認不少認識的人,知道她辭職後都曾經問她同樣一個問題,就是「點睇無綫被指報道偏頗?」而她的答案都是一樣:「做得份工就要專業,接受唔到,咪走囉!」不過,張文采強調離職並非單一原因,又指去年已經許下承諾,做滿十年便離開,因為覺得十年是一個里程碑,她笑言:「公司為咗慰勞年資長嘅同事,有餐飯同有個金牌,我一直朝住呢個目標進發,終於都食咗餐飯喇!」



張文采搽了三種不同顏色的指甲油,並笑說離開無綫後第一時間去染髮。

張文采搽了三種不同顏色的指甲油,並笑說離開無綫後第一時間去染髮。



仍然關注社會現況

工作量越來越多也是張文采請辭的重要因素。她說:「工作量好多,好長工時,同以前個年代好唔同,自己年紀又越嚟越大,唔係好應付到,有時返凌晨4點,有時收凌晨12點,好多重要直播要做,準備工夫要做好多,咁結咗婚都想穩定啲,加上老公嘅工作,每星期會有一、兩日唔喺屋企,之前真係試過一星期只見到兩次。」

香港社會氣氛於過去半年一天比一天差,張文采坦言對心情都有影響:「有時睇得多,每日讀咁多,係睇到個心好唔舒服,唔想咁前線接觸呢樣嘢,當然個心都會諗住,加上𠵱家一打開電話都會睇到好多……係要繼續關心嘅,但要搵方法去抒發。」她補充:「我覺得作為一位專業主播,無論乜嘢情況,就算屋企或者身邊有乜嘢事,觀眾開住電視就係望住你,就要表現專業一面,私人感情一定要擺埋一面,可能你啱啱同男朋友鬧完交,或者啱啱喊完,你坐上去都要表現專業,先係尊重番自己工作,因為唔係只代表自己,係代表公司,而且可能一個失誤會影響到其他同事,有乜嘢就off camera先處理。」

撰文:鄉奈仁

攝影:陳俊強

化妝、髮型:MM TANG Makeup

場地提供:廿一由八




鍾意就快D Share啦!