大台藝員陳康健2009年憑參加《超級巨聲》入行，唱功了得的他當年已有「港版曹格」之稱，但入大台後卻苦無演出機會一直只擔任閒角，命運跟同屬巨聲幫出身的林欣彤、許廷鏗甚至吳業坤等大相逕庭。
但陳康健沒有因此放棄夢想，反而積極四出Busking兼當上唱歌老師，其才華終逐漸受關注，可惜上天再跟他開玩笑，年多前確診患上罕見免疫系統疾病（IgG4），要長期服藥，更無法承受捱更抵夜的拍劇工作，令收入和曝光率大大減少。
然而，陳康健未有放棄，繼續專注教唱歌和Busking，而且在最近爆發的反修例風波中，陳康健更公然跟大台的維穩風格唱反調，經常在社交網絡上表態支持抗爭。
不過前日見陳康健在Instagram發散水文，表示要離開效力10年的大台︰「人生有幾多個10年？10年的人生經驗是一個里程碑，十年有苦有樂，有酸有甜……從今日起這個里程碑應該要終結，要開始新的一頁，不錯，我要離開TVB了，感激有《超級巨聲》，感激一切給我的經歷……下個里程碑，希望仍然走你哋陪我走得更美!」
對於離開原因，陳康健接受《蘋果》訪問時解釋：「我人生最大嘅夢想係唱歌，我真係好鍾意唱歌，但冇咩機會喺公司唱到都係其中一個原因。其實一路以來我都係藝員身份，如果我身體狀況只容許得一、兩場客串或者根本入唔到組，咁對大家都唔好。」
問到是否因言論而被「河蟹」？他表示︰「政見理唔到咁多，我有我政見，公司唔同嘅人都有唔同嘅政見，不論黃、藍或者紅、黑、白嘅都理唔到，但我講嘅係心裡面想講，好想撐年輕人嘅一啲說話。」他指即使在外Busking，都只為在如此惡劣的環境下透過音樂給同路人一點安慰。
陳康健又稱雖然離開，但對公司仍然充滿感恩之情︰「呢十年真係感恩，《超級巨聲》嘅經歷係好正好正，可能係好多人一生都冇機會經歷嘅嘢嚟。」談到未來，他希望︰「有地方可以收容我，發揮到作用。生活唔太擔心，始終我都係一個歌唱老師。」
|
鍾意就快D Share啦！
|
|
|
