掃呢頁CODE去手機

2020年1月19日 星期日

勁歌2019:星夢慶功晒獎 大贏家周柏豪講明請食飯 __,周柏豪,

嘩!一眾星夢歌手周柏豪、菊梓喬、吳若希、胡鴻鈞、譚嘉儀等,於《2019年度勁歌金曲頒獎典禮》狂掃26個獎項,佔全晚頒發的48個獎超過一半,成為唱片公司 ...




嘩!


一眾星夢歌手周柏豪、菊梓喬、吳若希、胡鴻鈞、譚嘉儀等,於《2019年度勁歌金曲頒獎典禮》狂掃26個獎項,佔全晚頒發的48個獎超過一半,成為唱片公司的大贏家!隨後唱片公司老闆何哲圖(Herman)拉大隊,齊齊去到九龍城一間餐廳慶功,將全部獎項放上枱大晒冷,相當有霸氣!


男歌手大贏家非擸足5個獎的周柏豪莫屬,當中更首奪「最受歡迎男歌星」及「勁歌金曲金獎」,問到如何慶祝佳績?他卻笑言沒有多想,因前世情人剛來「報到」,每日都只想做「湊仔公」:「每日喺屋企嘅時間都好緊要,囡囡每日都長大中,唔想Miss咗,日日喺屋企陪老婆湊女。(請團隊食飯?)請!好簡單啫,最緊要大家賞面,一年嚟大家都辛苦,唔想買啲太實質嘅嘢送咁市儈,請食飯永遠最好。」


他表示會將獎項放進公司的巨型獎櫃牆:「慣咗擺公司,好似氣勢勁啲,每個獎項都有意義。第一年拎男歌手獎,細個睇電視都冇幻想到自己有呢一日,中間發生好多事先成就到呢個獎項,自己都受寵若驚,完全冇估到,嚟頒獎禮都覺得係歌曲獎機會大啲,男歌手獎真係冇諗過。(個獎好Heavy?)唔Heavy!幾多都想攞,可能啱啱出院個人未回神,突然有兩個咁重份量嘅獎好驚喜。」


問到可會買份大禮送給腳頭好的囡囡?柏豪自爆有寫電郵日記,將回憶送給囡囡:「有幫佢開一個Account,每日都寫封Email畀佢,講啲嘢佢聽,等佢大個畀佢等閒睇,咁樣都幾得意,又每日同佢影張相,依家房有一部相機、廳又一部,先可以捕捉到佢啲珍貴表情。(最滿意邊張相相?)有張個笑容係好難得,其實個女點都靚!」

來源 source: http://hk.on.cc
鍾意就快D Share啦!