掃呢頁CODE去手機

2020年1月25日 星期六

【41歲先肯結婚】由單親媽到遲婚 楊思琦:我攝高枕頭問自己想要乜嘢嘅生活 __,楊思琦,

踏入鼠年,對於楊思琦而言,是再為人母的新階段。下個月就卸貨,臨盆在即,卻面對非常嚴峻嘅疫情,呢位鼠媽媽有冇承受好大嘅心理負擔?楊思琦:「其實都冇增加心 ...






踏入鼠年,對於楊思琦而言,是再為人母的新階段。下個月就卸貨,

臨盆在即,卻面對非常嚴峻嘅疫情,呢位鼠媽媽有冇承受好大嘅心理負擔?

楊思琦:「其實都冇增加心理負擔,最緊要更加注意衛生安全,一定會戴口罩。早兩個星期前自己試過感冒,佗住BB病原來好辛苦,有啲藥又食唔到,好唔舒服。過咗兩三日之後真係忍唔住去睇醫生,先知原來孕婦感冒都有藥食,食咗一個星期就好番。」

康復等鼠BB來臨,總算不用提心跳膽,所以新年她的願望就是:「

最緊要就係卸貨成功,順順利利,BB精靈活潑,大隻啲,肥肥白白。」

七年前,大女Krystal出世後,做單親媽咪嘅楊思琦,成為多功能女人。身兼父職、工作養家、全副心思放在女兒身上。背上很多擔子,她說沒想過自己再有機會做媽咪。

「真係冇諗過,雖然我好鍾意小朋友,但都冇諗住話幾時可以再生第二個。所以而家再有另一個BB,我覺得好開心。」

發現再懷孕的一刻,她說年齡顧慮,是她心理障礙要。

「因為係高齡產婦嘛,點都要考慮年齡問題。」楊思琦說,懷孕以來,一直都佗得辛苦。

「頭一胎生囡囡時後生好多,冇咁吃力,佗得冇咁辛苦。依家真係體會到,年紀真係影響懷孕時嘅感覺,整個身體狀況都比上一次懷孕唔同,呢個正正就係我開始時考慮嘅重要因素,人哋話有仔趁嫩生,真係講得好啱。」

楊思琦可算是港姐中的傳奇,由當選時屋邨出身,到今日捱到手持幾個單位。已為人母, 狀態又越戰越勇,去年便以40中女身型,挑戰出性感寫真。

但偏偏姻緣卻是遲來, 等到41歲才遇到Mr.Right,她口中形容懂得照顧他的男人。

楊思琦:「都算嚟得遲嘅,但我覺得能夠有都已經好開心我諗每個女仔都會期待或者憧憬幾時會有結婚嘅一日,我都唔例外,但有時遇唔到就係遇唔到,遲啲都唔緊要,最緊要有機會。」說罷又大笑起來!整個訪問,她說得最多:「而家好開心囉!」

單親媽媽的緣份,或許不易。

「可能都會有少少影響,但又唔係完全嘅,其實好視乎嗰個人嘅性格。

唔好規範話單親媽媽呢四個字,否則就會閂咗好多道門。有好多單親媽媽再遇到一啲緣份嘅時候,可能比佢之前嗰段更加完整、順利,或者開心甜蜜,所以每個人都應該抱有希望,尤其單親一族,唔好放棄。

之前我都冇乜開放自己,譬如有啲異性追求,唔知點解嗰時真係冇考慮,直頭冇拍拖心情。或者嗰時只着眼,眼前我要應付嘅嘢,例如屋企開支、照顧女兒、工作,嗰啲(感情事)自然會擺埋一邊,所以最緊要開放咗自己嘅心態,係咪真係好想去認識新朋友,或者好想有新嘅改變、環境?原來你嘅諗法開放咗,自然容易吸引到周圍嘅人與事。」

上一段感情,生了女兒卓穎,卻沒有開花結果,今次這位Mr.Right,做了甚麼,打動她肯嫁。

楊思琦:「感情唔一定要轟轟烈烈好浪漫,做些好出人意表的事。佢都有好多優點嘅,思想成熟啲,好識得照顧人。其實求婚過程冇搞好多嘢,因為一齊以嚟,大家都覺得好夾,雙方都有共識會行到結婚呢步。」

她說只花了一晚時間,就答應求婚。「我只攝高枕頭,問自己想要乜嘢,往後想如何過,都有少少思想空間,去重組自己嘅打算,所以最後就答應,只用咗一日去考慮。」

同樣變得成熟的她,自覺是時候適合做人妻。「我諗應該都準備好啦,都咁年長,係咪遲得滯添呀!」說罷,又即大笑一餐。遲來的幸福,楊思琦終於等到。

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇

-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址


鍾意就快D Share啦!